Dr.Zoa Hi A Rak Men Lo (VIDEO)
Chinlung Chuak Artist chungin member pakhat a simi Dr.Zoa hi a rak men lo. Hlasak cu a rak thiam bak ko hi mu. Mirang hla “Hallleluiah Praise The Lord” timi hla live bak in an sak mi cu an thiam tak tak si. A tu hi US ah kan ram caah concert an tuah cuahmah lio a si. A tang bak ah a video van zoh.
VIDEO https://www.facebook.com/chintube/videos/550847920558970
Credit : Chintube
Thlichia Ruangah Harnak A Tongmi Matupi peng Mi Hna Cu SAC Nih Bawmhnak A Pek Hna
The Chin Post 19 May 2023 May 14 i a hraang mi Mocha thlichia nih Matupi peng le Lailenpi khuachung ah innlo a hrawhpiakmi hna cu SAC Cozah nih bawmhnak a pek hna, tiah tualchung mi sin in theih a si.
Matupi khuapi chung ummi pakhat nih, “Thlichia ruang ah rawhralnak a tongmi hna cu SAC lei nih bawmhnak an kan pek. An kan pekmi hi eidin lei siseh, sakremhnak lei siseh, ngandamnak lei siseh a tling ngai. Hi bawmhnak hi Matupi khuapi chung minung 500 tlum hall pi ah May 18 ah khan Chief Minister Dr. Vung Suan Thang telh in ralkap bawizik hna nih an kan pek,” tiah The Chin Post ah a chim.
Matupi peng bawmhnak an pek mi hna hi a innbing in inn 170 an si, tiah theih a si.
Thlichi Ruang ah Rakhine Ramchung Innzuat Saṭil a Thong Leeng An Thi
The Chin Post 19 May 2023 Rakhine ram, Yatehtaung peng chung ah May 14 ni i a hrang mi thlichia ruang ah innzuat saṭil caw le sia a thong leng in an thi, tiah theih a si.
Innzuat saṭil an thihnak hmun hi Yatehtaung peng, peng kua chung ah a si i a tam deuh cu caw le na an si.
“Innzuat satil a thimi nihin tiang kan hlat khawh mi cazin ah 3000 leng a si cang. Minung tu cu a himnak ah kan i ṭhial cang. Kan satil hna tu hi cu kan ṭhialpi kho rih hna lo. Kan hren hnanak hri tu cu kan phoih piak ko hna. Ti a kai a caan ah anmah te tlik le leek khawh ding in kan chiahpiak ko hna,” tiah khuami pakhat Ko Ting Lyin nih The Chin Post ah a chim.
Mocha thlichia ruang ah Rakhine ram chung in minung 13 an nunnak a liam i inn rawkralmi a tam cemnak hmun zong a si, tiah theih a si.
Credit : The Chin Post