Esther Hnamte Kan Lai Thuam He Hla A Sak Nak VIDEO Cu A Ropui Ko (VIDEO)

Mizo hngakchia te hlasakthiam ngaingai simi Esther Hnamte nih kan Lai thuam he hla a saknak video cu a ropui ko. Tutan video kan van thlah mi hi zahan nai te Chintube Award 2022 an hmannak i Esther Hnamte hlasaknak video a si. Esther nih kan Lai thuam he a sak mi hla hi “Go light your world” timi hla a si. A thiam tuk ning cu a mak law law khi si. A tang bak ah a video van zoh.

Credit : Esther Hnamte

SAC Ralkap Hnu An Tolh Caah Kalay-Tedim Motor Lampi Hman A Ngah Cang

Chin ramkulh, Tedim peng Kalay-Taingen khua kar ah 2022, December 27 in SAC ralkap an luh caah Kalay-Taingen kar motor lampi cu tualchung hriamtlai phu hna nih December 29 in caan karlak chung an kham.

January 1, kumthar ni zinglei suimilam 10:30 ah MEDF, CDF CDM Siyin phufonh le SAC ralkap kar kahdohnak a chuak i SAC ralkap 2 an thi, hliamhma tuar an tam caah Kalay lei ah hnu an tolh han tiah CDF CDM Siyin nih cathanh an chuah.

CDF CDM Siyin lei in ralkap pahnih nih hlianhne an tuar, January 2 thawk in India-Myanmar pehtlaihnak lampi Tedim le Kalaymyo kar lampi cu, cu hlan bantuk in hman a ngah han cang tiah PDF-Zoland nih cathanh an chuah.

Credit : The Chin Post