India ai awh in Japan ram Tokyo khuapi Olympics game ngeihnak ah akal mi Manipur Nungak Mirabai Chanu cu, Manipur Chief Minister nih tangka ting 100 apek,

Vawlei cung ah sport lei mi hna nih nih mah le ram caah athiamnak le athawnnak, langhter ding ah Olympics Games cu Japan khuapi Tokyo ah ngeih lio cuahmah asi, mah Olympics ah cun India ai awh in Items aphunphun ngei mi hna minung 119 an kal khi asi, mah chung ah cun northeast state in minung 8 an itel khawh ve asi, akal mi 119 chung ah mipa 67 le Nu 52 hna an tel khawh khi asi.

Mah sport lei ah kal mi 119 chung in northeast state Manipur Nungak Mirabai chanu nih cun, ritcawi lei ah medal la hmasa bik siin Silver medal arak lak khi asi, mi dang hna zong an cawlcang cuahmah lio asi, medal alak hmasa mi Mirabai Chanu cu anram ah arak kir cang asi, india ram khuapi Delhi Airport ah ramchung mipawimawh hna nih ropi ngai ngai in anrak dawn khi asi.


Mirabai chanu nih hin, mah sportnak ah tel khawh ding in, kum 5 chung reng lo, training arak ngeih, kum 5 chung bak an chung lei hna, ahrintu nu le unau hna he an ihmuh lonak asau tuk cang khi asi, atu ah cun achuahnak state manipur lei panh in an kirthan ko cang, Manipur mipi hna nihropi ngai ngai in anrak dawn hna, amah hi mi sifak chungkhar asi caah atu bantuk dirhmun ah arak dir cu amitthli he an umnak khua ah aphan ve cang.

Anrak dawnnak program ah cun an state chung mi pawimawh hna le minister tampi an kal ve, Abik in an state chief minister nih cun an state ai awh in lawmhnak bia achim hnu ah Rs-1crore cu apek cawlh, ting 100 tinak asi lai cu, mah long si lo in an state palik Adll SP(Sport) caah sinak apek (appoint) fawn tiah aphuan cawlh, Manipur Chief minister nih hin, Shusilla Devi (Judo)player zong manipur palik Constable in SI ah (promoted) kaiter asi tiah a phuan cawlh fawn aropi ngai ko.


Gold medal hna vun lak selaw zei tluk in dah an thangthat hnga mu, Silver Medal an lak hmanh ah mah tluk in an cawi sang cu a ropi nak adang ngai ko, an state min thattertu asi caah sport lei hi tha zang anrak pek ngai ko hi asi, lawmhpi an um ngai ko.
Source:-zee news