Indian Women’s Hockey Team Striker atu Olympics Japan Tokyo ah akal lio mi Lalremsiami Mizoram hi mi zei bantuk dah asi (Sifak fanu in vawlei pum ah) Amah nih asi ning tial mi cu,

Ka pa cu khuate lo hlo mi sawh sawh ve mai asi, ni khat ah tangka hmuh mi hi Rs- 250 longte hi asi, Ka nu cu chungkhar nu ve mai asi fawn, Fanu fapa 7 hna zohkhen hi arian bik asi ko, rian dang atuan kho lo, Kan unau hi Acoyah siangin ah kan lut dih khi asi, kum 11 ka si hnu ah cun chungkhar caah aher mi hna hi fiang deuh in karak theithiam ve cang, asi nain mah aher mi cu theih ko bu in zeihmanh tuah kho mi ka ngei lo, mang bantuk asi, ataktak ah zeihmanh tlamtlingter ka si kho lo, ka nun ah thil pakhat lang peng mi cu “Hockey” khel hi asi.

Ka nu hi anungak lio ah hin football arak khel ve tawn khi asi, sport lei ah kal ding in aka fawrhfel ve tawn, Asi nain hockey academy umnak hmun cu, kan khua in Km 84 hla ah asi, mahka hmun ah kal ding ah cun kapa nih nikhat ahmuh minak tam dih ding khi asi, Cuti cun kan dir hmun asi zong ah ka nu le pa cu, academy ah kal ve kaduh timi cu ka chim ve peng ko khi asi, kalter akan duh ko nain thuhpheh ngeih bak lo in tihin aka chim ” Ka Fanu” sawva kan ngeih mi nih atlin bak lo e tiah.


Vanthat ah nikhat cu academy ah cawnnak le hostel um man zong aher lo free dih in um khawh asinak kong cu karak theih ko, cu cu kanu le kapa sin ah ka chim hnu ah cun kal ding in rem akan ti piak ve cang khi asi, test tuahnak ah karak tling ve, academy nih cun akan thim ve khi asi, Academy lei pan in kan kal lai ah ka pa nih cun, ” Naduh bik mi khel khawh nasi cang ko, lungthin tha dam tein umter ko mu! aka ti ah cun ka tha zang adam ngai ngai khin ka um ve ko cang.

Chunglei he umti lo inkhuasak cu harsa kati ngaingai ko, kum khat ah krismas lio tein chunglei he itawnnak can asi, Kei cu keimah longte kasi caah ahartuk lo, kan in lei ah cun biatak tein an buai an harsa bak ko khi asi, Mihna nih kanu le kapa sin ah cun “Nan fanu hi auh cang ko u” In lei ah um selaw nan san tlai pi ko lai, zei pipa taktak hmanh aphan lai lo, tiin kanu le kapa sin ah an ti piak hna cu, kanu le kapa caah cun mah bia cu tha damnak asi lem lo khi asi, asi nain vawikhat te hmanh aleh hna lo, mah bia hna cu kavun thei tik ah ka lungthin hi afak taktak ko, Iphuhrung ngaingai in zeitik can ah maw cu mah “Jersey” blue colour ka hruk can a um te lai, nan herh mi vialte hna cu keimah ni karak tum piak dih lai tiin bia kakam ve tawp ko khi asi, ataktak kaphan hnga maw tiah?


Mah kan bia kamnak nih zuamnak lungthin akan pek ruang ah karak zuam ve fawn, kan cawnnak lei zong ah biatak tein karak zuam, kanu le kapa zong nih suuport akan pek ve ko tiah kathei ve cang, Vawi khat zong kapa min sign aherh caah, kan umnak in Km 45 tiang nikhat hlawh hmang dih in min sign ding in arak ra ko, Ka pa nih cun hmailei can hman ding hna aka tuaktan piak khawh ngai ngai caah kei ka caah cu kapa hi “Pasal tha” arak si bak ko e.

Thancho lei kapan ve deuhdeuh cang khi asi, mah hnu ah cun Junior National Team joint ding in Delhi lei ah akan kuat ve cang, can saupi ka um peng khi asi ko cang, Hindi ka thiam lo ngai ngai tiah katheih ko, nain ka hawi hna nih cun manh can ah Hindi hi holh hmang ding in akan ti ve hna, Hindi holh zong thanchonak lei ka panh ve deuhdeuh khi asi ve, ahnu ah cun ka duh mi poh poh ka chim ve khawh cang, mah hnu ah Senior National Team ah karak khel ve cang khi asi, vanthat ah Asia Cup ah karak lut khawh, kacan tawn mi cu amak ngai ngai ko.


Ka nunak ah muican thuk ngaipi nih akan dawn khi asi, nikum ah khan India le Chile nih Semi Final kan khel hlan te ah, ka pa nih akan thih tak cang kong ka thei cu, kalungthin vialte hi akekkuai dih bantuk asi, in lei ah tlun hi kalungthin ah a um ko cang khi asi, kalungthin afaktuk ning cu, Asi nain fiang deuh in khua karuah than, katlun zong ah kapa ruak cu kahmu manh ti lai lo, tlung lo in khel lawlaw ko ning tiah biachahnak ka ngeih, Ka tikhawh tawk izuam than in Hockey cu karak khel than tik ah India caah biatak tein karak zuamnak nih India tlamtlin nak arak si.

Can adih bak cangka in aho mitmei hmanh zoh lo in, kasum kho bak tilo, mah field chung ah cun karak tap bak ko cang cu, Ka hawihna tampi nih kasin ah ra in akan kulh dih ko khi asi, “Zoh tuah Siami” Ipa nih an lawmh pi ve ngai ko lai tiah aka hnem ve, ka thinlung chung ah hin afaktuk, kapa nih ka tlamtlinnak hi rak thei vese aw tiah, akan lawmhpi ningding cu aw kati, Asi nain kapa cu aliam cang.


Akan duh pi mi kapa, khawika dah na um? na can donghnak ah mangtha hmanh kan pek lo cu aw kapa, Na pawng ah karak um lo cu kadam chung kathil tawnnak ah ka ngaichihnak bik asi ko e tiah, Tokyo Olympic ah cun goal luhter ka duh ngai cang ti bantuk in ka hal ko cang, “Van in akan zoh lio ah teinak goal luhter in, mah goal cu kapa caah, cun kan team hna ca le kan ram India caah asi lai tiah bia adonghter.