Kan vawleipi hi adam ti lo, buainak phun kip kan ton cuah mah lio asi, Khrihfa biak in 8000 leng khar asi, China ram hmun 10 ah rua asur ti lo caah tuah chawmh in rua surter asi,

Rwanda ram ah Khrihfa biak in 8000 leng 2018 ah khar piak cu atu tiang khar peng rih asi,

Kum 2018 ah khan Rwanda acoyah nih Biak In 8000 leng khar piak asi, ngandamnak lei ah an him lo tiin, Biak In hna hi khar piak khi asi, atu tiang Biak In 8000 leng hi khar asirih ko, acoyah hmalak nak soiseltu Khrihfa hruaitu 6 hna cu tlaih in thawng thlak asi, aho hmanh nih acoyah hi soisel ngam an si lo, Kum 2018 ah khan acoyah upadi thar tuah mi ah, Biak In le Mosque hna nih ivennak le ngandamnak lei ah, pawm ding tiah cathanh an tuah, Biaknak lei tampi nih acoyah Upadi pek mi cu, pawmpi ahartuk ruang ah an tlin bal lo khi asi, mah cu nawl ngai lo tiah, Biak In khar khi an ria nasi ko tingaihnak dang a um lo an ti.

Kum 2018 March thla in Biak In khar hramthawh asi, acoyah hmalak nak soiseltu Pastor 6 hna cu acoyah bia ngai lo ah puh asi, Pastor an tlaih mi hna hi an chuah than ko hmanh ah hin, acoyah soisel ngam ti lo in an um ko cang tiah chim asi, acoyah nih upadi dang dang pawm/ngai ding ah member 1000 leng an um ding asi, Biak In cu lam pawng ah um ding asi lo, Pastor hna cu acoyah pawmpi nak theology cawn dih, Science le Technology cawnchihnak ah chuak ding asi, thil dang tampi a umrih, mah acoyah nawl pek mi cu, biaknak lei tampi hna nih an tlin khawh bak lo caah, Biak In 8000 leng khar cu atu tiang khar rih asi.

Muslim hna apumnak Mosque zong upadi nih ahuam tel ve ko nain, Mosque khar piak cu atlawm ngai ko, Rwanda ram ah Khrihfa Biak In khar piak lio hi, an ong than khawhnak hnga?? vawlei ramkip ah um mi Khrihfa hna sin ah thlacam biak hal nak cu, anrak chuah khi asi, Pathian zalong te in an thangthat ve khawhnak hnga bia tak tein vawlei cung Khrihfa hna sin ah zangfak an hal taktak khi asi, thlacam in bawm ceu ko hna usih!.

China le Europe-ram hmun tampi ah, rua asur ti lo lio ah, Pakistan lei ah tilian rapthlak tuk ruang ah minung 1000 leng nunnak aliam cang khi asi, vawlei ah hin boaruak chiatnak atam deuh deuh ko cang, tu kum le bang cu minung ruahnak leng in, vawlei hmunkip ah chiatnak rapthlak taktak tuar an tampi ko, Pakistan-nih an tuar lio mi hi, tilian long si lo in “Lirnghinh pah fawn tiah report ah langhter asi, In le lo ahrawh mi hi arapthlak tuk, minung 20 million hna nih In le lo ngei lo in an um ko cang khi asi.

Minung 1000 leng an thi cang pin ah saram an ngeih mi vialte hi 700,000 leng an thi cang, thlai cinnak hmun ram acre 100,000 leng achia dih cang fawn, Minung 33 million hrawng nih tilian an tuar ko cang, an lung rethei tuk cang ruang ah an ram PM nih vawlei ram dang hna sin ah bawmnak ahal bak ko cang khi asi, atu ah hin chiatnak hi azual deuh deuh rih ding ah ruah asi, mi sual le mi tha hna zong nih an tuar ning atluk dih ko cang, mithiam hna nih mah chiatnak hi, climate change achiat tuk cang ruang ah thil cang mi asi an ti, Environment humhak nak a um lo, ram tang thing le mau hna cu humhaknak um lo in mikip nih an duh tawk in an kit an lak hna ruang ah mah thil hi arak phan mi asi tiah an ti.

Vawlei hi adam ti lonak chan lian bik cu minung kan si, minung nih vawlei boruak hi kan chiatter cuahmah lio asi, achan cu, Factory & Company dang dang hna nih Pollution boruak chia tamtuk kan tuah, motor kan hman mi Oil ah diesel & petrol khu hi khuapi pakhat ah hin nikhat ah hydrogen, carbon dioxide tampi achuahter tawn khi asi, Oxygen akan pektu thing le mau hna kan lak dih fawn tik ah, kan vawlei hi kan mah minung thil tuah ruang ah kan hrawh cuah mah lio khi asi cang, vawlei hi arawk cuah mah ko cang, Nan Pathian ton ding ah nan ready cang maw?? Vawlei nih sau akan dam pi ti lai lo, Ready in um peng cang ding ah unau kan sawm hna.

China ah Xi’an Harvest Church, Shaanxi Province (China) ah um mi cu Xi’an Municipal Bureau of Civil Affairs nih upadi buar tiah puh in biak in khar piak asi, Xi’an Municipal Bureau of Civil Affairs cathanh tuah in “China Evangelistic Mission Ltd., Xi’an Branch, Harvest Church nih NGO min hlan in khawmnak an ngei, acoyah sianhnak lak lo in, khawmnak tuah mi NGO asi, Xi’an Municipal Bureau of Civil Affairs nih tawpter (shut down) a si” tiin cathanh an tuah, July 20, 2022 ah khan Xian Harvest Church member 20 hna cu Shilipu Police Station-ah auh asi fawn, Biaknak lei senior pastor, Lian Changnian-nih cun, member le mipi hna hi hrocer kan ton peng mi asi ati, mah hnu ah Biak in khar piak asi tiah ati.

Pastor Lian Changnian- hi ‘China Gospel Fellowship’ ah Pastor senior bi kasi, China House Church lian 5 chung ah tel mi asi fawn, Kum 40 leng Pastor rian atuan cang, mah hnu ah hin Harvest Church, Xi’an-ah hin dir cawlh kha asi, Pathian rian atuan chung ah hin anrak tuar ngai ngai peng tawn khi asi, tlaih, vuak le hrem, thawng thlak ti bantuk in vawi tampi anrak tuar cang mi Pastor asi, man, China acoyah nih hin Khrihfa hna hi an duh lo ngai ngai khi asi, kum hmasa zong ah khan, Protestant Biak In 100 leng khar piak cang khi asi, China ram ah Khrihfa hna caah thlacampi an herh ngai ngai ko!

China ram hmun 10 ah rua asur ti lo caah tuah chawmh in rua surter asi,

Middle East ah khualum tuk ruang ah tuahchawmh mi rua surter tawn arak sic ang kha mu! Atu China ah tukum hi khualum tuk ruang ah cun an tuar ngai ngai ko, China’s state-run Global Times nih cloud-seeding artificial rain-enhancing planes/ vanlawng hmang in, Provinces 10 ah ruah tuahchawmh mi an sur ter khi asi, China’s Sichuan province, China’s Anhui, Jiangsu provinces, central China’s Hubei province & Chongqing hna ah, rua surter asi, 91 cloud-seeding flights in surter khi asi.

Source- China Aid