Kanrak uar ngai ngai mi New Delhi Chief Minister Kejriwal-nih ‘Make India No. 1’ mission tlang zarh nak atuah ve bak cang tlam atlingter ko lai??

Kanrak uar ngai ngai mi New Delhi Chief Minister Kejriwal-nih ‘Make India No. 1’ mission tlang zarh nak atuah ve bak cang tlam atlingter ko lai??

Delhi chief minister le Aam Aadmi Party (AAP) national convener, Arvind Kejriwal nizan ah khan, vawlei huap in India ram dirhmun sangbik ah a um khawhnak ca ding ah, hmalak nak ding, ‘Make India No.1’ mission an tuah mi cu a release tlangzarh nak tuah asi, Make India No. 1 mission tang ah an hmalaknak hmasa bik ding cu, ram chung ah Ngakchia kip hna nih cawnnak tha an ngeih khawh nak ding ah tuah mi asi tiah chim in, Kejriwal nih cun tangka tampi adih ko lai, zei ava si zong ah siseh, tangka a dih ko hmanh ah, ngakchia kip nih ca acawn khawh phawt ding ah biapi bik asi pin ah fim/thiamnak a herh hmasa bik ati.

Cun pahnih nak ah cun mi kip nih aman herh lo in healthcare an dawn ceu khawhnak ding ah, hmun tampi ah hospital le Mohalla clinic-hna dir a herh fawn tiah ati, Ram chunga mino/youth hna cu riantuan ngei lo in, a ho hmanh an um lonak ding ah, an riantuan ding tuah piak hi acoyah mawhphurnak asi caah kan tuah piak ding asi, Nu hna zong nih India ram ah himte in an um pin ah, mipa hna he diknak covo a tluk te in an ngeih ve ding asi tiah ati.

Lo lei rian le Lo ngeitu hna hi duhsak an herh ngai tiah chim fawn in, an thlai thar chuah mi hna cu, an zuarnak ding ah aman zong niamtuk lo in an riantuan man he man ngei deuh in, an zuar ve khawhnak ding ah tuah piak asi lai, tiin achim fawn, Mah thil panga hna hi tlamtling te in akal khawh ah cun, vawlei ah India ram hi number one a sinak ding cu, zeihmanh in an dawn khan lai lo khi asi lai tiah Minister Kejriwal nih achim.

Kejriwal nih cun an hmalaknak ding ah hin, ram chung mipi hna le political party vialte hna zong tel dih ding in sawmnak atuah cawlh khi asi, Mipi hna nih mah mission project hi tha tein an zulh le pawm asi ah cun, lungrual tein tuanpi khawhnak ding ah ram chung hmun dang dang ah tlawng/kal atim tiah achim fawn, mah mission hi politics lei thil a si lo tiah achim fawn, “Mah hi political party mission si lo in, ram pumpi caah mission tha bik ding asi ati, BJP le party dang hna zong vawlei ah India ram number one si khawh ding in, tuah sernak ah rak tel dih ceu ding in, kan sawm dih hna tiah sawmnak atuah fawn khi asi.

AAP party nih acoyah nawlngeihnak an lak hnu ah Elcetricity unit 200 free, water/ti bill 20,000littres free, acoyah school ah mi tampi an ithial ruang ah seat full peng, Health care free, tang 11 hna caah project minung pakhat caah Rs-2000/- ceu pek in Electronic lei talent ngei mi hna nih thil sersiam nak a phunphun an tuah thiam hna khi asi, Tu hlan ah cun private school ah 99% an hmuh lio ah acoyah schoo9l ah 92% asi, AAP acoyah asi hnu ah Acoyah school ah passed nak 99.2% asi cang, private ah 92-93% hna khi asi.

xxx