Khuaitizuu Hla Thar Cu A Mak Law Law (VIDEO)

Khuaitizu nih ram hla thar a sakmi cu a mak law law khi si. Tutan cu Live bak in a kan sak piak ko hih. Live i hla a sak ah hin Zeiti tluk in dah a aw aa dawh timi a fiang chin chin tawn. Tutan Khuaitizuu nih a sak mi hla hi “Lairam zuun” timi hla asi i, Hope Virtual Concert ah a sakmi a si. A thiam tuk ning cu a mak ko. A tang bak ah a video a um lai.

VIDEO https://www.facebook.com/khuaitizuu/videos/965245064824394

Credit : Khuaitizuu

Shan Ramkulh, Kokang Hmunram Kahdohnak Ah SAC Ralkap 20 Leng An Thi

The Chin Post 6 June 2023 Shan ramkulh, Kokang hmunram ah Myanmar National Democratic Alliance Army(MNDAA) le SAC ralkap kar kahdohnak a chuak i, SAC ralkap 20 leng an thih pinah hriamnam le zen-kuan zeimawzat zong MNDAA lei nih an laak, tiah The Kokang nih an thanh.

June 1 ah Kokang hmunram chung ah rallam a sialmi SAC ralkap 70 leng cu MNDAA Brigade 511 nih June 4 le 5 ah an kah hna. June 4 zinglei kahdohnak ah SAC ralkap motor 1 a rawh leng ah ralkap 4 an thi. Cun, zanlei suimilam 1:00 ah kahdohnak a chuak ṭhan i, SAC ralkap 8 an thi ṭhan.

June 5 ah MNDAA le SAC ralkap pawl cu an i kap ṭhan i ralkap 16 an thih pinah tam ngai hliamhma an pu. MNDAA lei zong in hliamhma pumi an um ve, tiah theih a si.

MNDAA nih SAC ralkap seh meithal kuan 230, hriamngan kuan lung 3, bomb lung 1 telh in hriamnam le zen-kuan zeimawzat an laak, tiah Khit Thit Media nih a ṭial.

Credit : The Chin Post