Kim Jong Un Hngakchiat Lio Nun

Kim Jong Un hi a hngakchiat lio tein a nu he caan tampi khua an sa tti . A nu nih hin an inn ah ca ttha tein a chimh tawn.

An chimning ah, Kim Jong Un hi mirang ca (English) cawngin  English Language International School, Gumligen, Switzerland zongah a rak kai bal ti a si.

A hngakchiat lio le a siahngakchia a si lio tein mi holh tlawm, caan tam deuh cu mah tein lawng i khuasak nuam a timi phun a si. Hawi le sin i caan tam deuh hman nakin  inn ah mah lawng i caan a hman a duh deuh.

 

Capo saih le nih hi a zuam tak takmi a si. A sianginn kai tti(classmate) Marco Imhof chimning ahcun Kim Jong Un hi mi komh nuam, capo a thiammi le capo saih a zuam tak tak mi a si a ti.

 

Capo saih a thiammi lawng siloin a sianginn kaitti pawl he  rem tein khua an sa tti peng zungzal. Hi lio caan i a sianginn kai tti pawl hi North Korea ram he aa ralmi ram in ca a rak cawngmi zong tampi an um. Asinain ttha tein hawikomnak an ngei  kho peng.

 

A sianginn kai lio ah hin Politics kong i ruah cu sianh tuk lem lo mi thil a si. Politics nak cun football kong hi an i ruah deuh tawn.

 

Khuruah har ngaiin Kim Jong Un hi a hngakchiat lio ah Micheal Jordan basketball player hi a rak uar tak tak. Swiss i sianginn a kai lio ah hin Micheal Jordan basketball player hmanthlak hi a khan chungah khat lakin a tar tawn ti a si.

A hngakchia lio ahhin a rak thau pah nain Basketball hi a zuam tak mi lentecelhnak a si ve.

 

Lentecelhnak an tuah tawn ah hin sungh hi a rak duh bal lo i, a caah ahcun teinak hmuh hi a biapi tak takmi a si tiah a sianginn kai ttimi Marco Imhof nih cun a chim fawn.

Switzerland i singinn a kai dih hin an ram North Korea ah a tlung i ralkap sianginn (Military school) ah a lut tthan.

A hringtu pa Kim Jong il a thih hnu ah Kim Jong Un cu North Korea politics le ralkap cawlcanghnak lei ah biatak tein caan hman a thok.

Source: Business Insider

Leave a Reply

Your email address will not be published. Required fields are marked *