Kum 11 in kum 16 tiang voi tampi anrak tlaihhremtu Teacher/saya pa cu palik nih tlaih asi cang,

Taiwan ramchung ah tution cachimtu saya pakhat nih kum tlinglo a siangakchia nute cu voi 285 renglo nupa sinak arak tuahpi tiah theih a si, Nute nu min cu Lane tiah an timi nute hi tution a kainak sayapa nih kum 11 a si lio tein a rak sualpi cang ti a si, Cacawn akalnak ah sayapa nih cun cachimh loin a ih pi tawn tiah a chim.Nute kum 14 a tlin ah sayapa nih cun kum 18 na tlin bak ah ṭhitumnak kantuah telai tiah biakamnak arak ngeih, Cu a si caah cun nute zong nih a sayapa chimmi cungah ruahchannak ngei in lungtling tein nupa sinak cu, a rak tuahpi lengmang ve khi a si.

Nute kum 16 a vun tlin ahcun a sayapa cu nungak dang he thitumnak puai ngeih aa tim tiah facebook in a sayapa nih a postmi cu arak hmuh tik ah nute nih a sayapa cu, “ziah na kahlen” tiah ca a kuat ti si, Cu tikah a sayapa nih nute a nu le pa sin ah, nan fanu hi facebook hmanter hlah uh, ca lei ah a chambau tuk tiah thawng a thanh hna.

Nute nih cun hringtu a nu sin ah, a sayapa nih an chimhmi hna cu adik lonak le a sualpinak kong cu fiangte in a chimh hna, Cu tikah anu nih cun palik sin ah report atuah cawlh ve, Tution sayapa nih cun nupa sualnak ka tuahpi ballo, a kut ka tlaih le ka kiss longlong a si tiah aa pheh.

Sinain nute nih nupa sualnak a rak tuahnak experience vialte hna dairy chung ah arak ṭial mi hna cu palik sin ah cun a hmuhter hna, mah long silo in nute nih a sayapa thil a hmet angan tiang a theih leng ah a hmelchunh umnak hmunhma tiang a chim khawh dih ti khi asi.

Mah hnu ah cun nute cu siizung ah checkup nak an tuah tikah cun a chimning bantuk tein nupa sualnak a rak tuah cang timi cu afiang hmuh asi, Nute kum 11 in kum 14 atlin hlanah hin sayapa nih voi 129 a sualpi ti a si, Cun adang thla 7 chung long ah voi 156 tiang a rak sualpi tiah theih arak si.

Mah nute kum tling lo an saya pa nih Nupa sinak nun voi tampi anrak hmanpi mi cu, court nih fianternak atuah hnu ah biachahnak tuah asi, Cu court nih biachahnak an tuah mi cu amin langter lo saya cu kum 9 le acheu thawngthlak ding in July 13 ah khan ceih piak asi tiah news report ah langhter asi.

Ref: Asian News