Lai Capo Nihchuak Taktak Pawl, Na Paw Fak Dih Lai!

Tlunnak lam an i palh

1993 hrawng si dawh a si, a hlan ngai cang. Voi khat cu, X’mas lai ah Hakha ah nutung no pawl thil an rak zal ti si. Cun, Malaysia a ummi an pale pawl hna he khan phone hna an ichawn hna, ti si. Thangtlang lei an tlun pah ah an pa le kong cu heh tiah an ceih; phone an i chawn dan te hna, cun a hlan i an rak um ti lio hna, can pawl khi nuam tuk khin tlun pah ah cun an i ceih i… Thlantlang lei kal dingmi kha Kankaw lam lei ah an kal, an ti.

AaMang Lian

Vawih Ceh Nungak

Nikhat cu, Thantlang in Hakha lei ah hmanlung a kalmi ah khan, Lailei nungak note aa cit ve, ti si. Anih kha khualtlawng bal lomi si; khuate lei deuh ah a ummi si i hmanlung aa vun thawh bak khan, a lau tuk ah a vawih aa ceh sual, ti si. Ingta a kal manh rua lo ta, a vawih kha a nam tuk i an celh lo ti si. Mawtaw spear pa nih, “Atu nai a vawih a vawihmi kha ticket man na pe rih lo khah!” a ti i nungak te nih cun bo ngai in, “Ngeh! Nizan ah ka pek diam cang,” a ti. Hehehe…. tlangval an tam ngai i a hmai sen dih an ti .

ZingZing

Falam pa le Thantlang pa

Falam pa nih Thangtlang pa a leng i lawi ai timh ahkhin,

Thantlang pa: “ṭhu rih ko ca,” a van ti, ti si.

Falam pa: “Kannih Falam nih cun (ṭhu) kan ti lo, (to) kan ti.”,

Thangtlang pa: “A si cun (ṭhuro) khi (toro) nan ti ne la maw? Heee, Asi ne le, na (kal) ne la maw?”

Falam pa: “Kannih Falam nihcun (kal) kan ti lo (feh) kan ti.

Thangtlang pa: “Asi cun (saikal) khi (saifeh) nan te ne la maw? Cun teh na pum chung i a ummi (na

kidney=na kal) khi hei fak sehlaw, ka (feh) a fak na ti lai tih,” tiah a ti, an ti.

An ti an timi cu va zumh hlah an ti.

AaMangLian

Zan Dai Tang Mitthli he…

Voi khat cu, tlangval pa pakhat nih biakinn chungah Zan Dai Tang Mitthli he ti mi Hniang Hniang hla kha sak ai timh ti a si i “zan dai tang..” a vun ti bakah khan, an pastor pa nih, “Hei, biakinn chung a si hi!” a vun ti colh i, cu bakah tlang val pa nihcun aa thawh ve i, “Zan dai tang mitthli he, thla za ka cam tawn e… kan pastor pa aw…” a ti colh ve ee, an ti an ti.

Benjamin Lahnin

Pathian le Adam Biaruahnak

Adam: Bawipa, ziah mah titi dawh hin Eve hi na ser?

Bawipa: Ai dawh lawngah pei na duh lai cu…

Adam: Ziah mah titi molh hin na ser ne?

Bawipa: A molh lawngah pei an duh khawh lai cu…. Hehe, lohbak!

Thawng Cung Lian

Pharmacy ah lai pa

Lai tlangval pate kha pharmacy ah condom cawk ah a kal i comdom timi kha amin a philh i, dawr hngak nute cu “do you have a condom” ti dingmi kha ai thawh riangmang le, “Do you have sex?” A ti an ti. Hehe, dawr hngak nu nih, Nooo!” ati.

Dawr hngak Nu te a lih maw a si hnga, hmaan hnga dek~!

AaMang Lian

LEIH PUAI 50

Pakhat pa rawl dawr pakhat ah a kal. Dawr hmai ah an tarmi ca kha a vun rel, an tarmi cu: “Buh Kio puai khat (250), leihpuai (50) ti ah, saiboot an tarmi kha a hmuh. Dawr chung cun a lut i sabuaiṭhu kha, a kawh i, a timi cu, “Buhkio leihpuai , puai khat in!” ti ah a cah.

Lalram Muan

A Nu nih Thlacam Cahnak

A nu: Ka fa nu hi a kut cu fel ko. Kheng zong amah nih ṭawl ko, nain, a “taw” te hi a hrang tuk le mah hi kan campiak ko.

P: “Na kut nih sualnak a tuah ahcun cik law, hlonh ko timi Bible kha a rel khawh bak in,
Na taw nih sualnak tuah ahcun hlep law hlonh ko, taw loin vanram kai ṭha deuh!” ti in campiak.

A nu: Kan hleh lai le kan in pe lai awh.

P: Ka thlacam Pathian nih a ka leh tinak si ko cuh….haaahaaa!

Ngun Peng

Pakhat Nute Nau Ngeih!

Pakhat nute kha nau a pawi i thla kua a tling cang i a chungkhat le vialte nih nau ngeihter ding cun an izuam cio. Heh tiah an senter chih, nau ngeih hmasa bik kan ti cu, a chuak kho zokzok rua loh. A chungle nihcun, “Nute khah, van i hrim ṭhan law, voikhat te cun van seng ta rih ko,” an van ti. Heh tiah a thaw zong pit dih deng lak in a van iseng ciammam i phalut tiah a ek tlang te kha a hung chuak, ti si. “Elaw khah, a chuank cang ko rua an van ti i, “Hmmm! Ka nu, naute cu nu le maw si pa te?” tiah a van hal hna cu, a nu nih, “Na Ek si, na Ek” a ti, an ti… hahahaha!

Lewis Cung Cinzah

Lairam dawtu

Lairam dawtu a tlau i a kawl i thawh cio hna sih!

Christian Joseph

Cozah hi a nu maw si a pa?

Kawl mintami Laitlang ah tlung ai tim i lampi ah mi nih “ai, ai, ai” tlung lai cih, Laitlang ah cun thingtan le namtong in an in dawi colh lai, an in phak sual ahcun palaier in na ha an in phawi si ko, an ti. “Ziah mintami ka si hi, an ka ti lai le?” a ti hna. “Na duh ah siangpahrang zong va si ko, ai dang lo, Lai nu pawl nihcun cozah an hua tuk i cozah hi a nu ma si a pa ti hi fiangte in theih an duh fawn cuh! Heee, pohdeuh loh hih!

Christian Joseph

Global Chan Tangka Cah

A fapa fang khat te tanghra a hun awng.

College a hun kai. Cun, tangka a cah peng hna an ti.

Vuikhat cu a pa nih, “Ka fapa, tangka hman na cak tuk,” ti khin a hei sik pah.

A fapa: Ka pa, chimh tuah hlah! Tu chan cu “Global” chan pei si cu.

A pa: Aih!! Cu “Global” nihcun ma sianginn cu an kaiter?

Ngun Dawt

Saram pawl an khuaruah a har tuk

Ar: Tu ni Facebook ka ṭhut cu Lai nungk le tlang val pawl an hmanthlak ka zoh i ka khuaruah a har tuk! Mah tluktluk i idawh hna cu!

Uico: Tu ni cu chun ni tlak ka vak i Lai nungak le tlangval pawl aa dawhmi pakhat hmanh ka hmuh hna lo i ka khuaruah a har tuk.

Mi mi: Aw ta, nan chimmi hi ka khuaruah a har tuk, an mihring ah mah tluk nungak le tlangval a mui a rem lomi an facebook ah an i dawh khawh ning cu ka khuaruah a har tuk!

Vokpi: Haaaa! Mah tham cu kanmah zong hi computer in kan hmanthlak cu remh cio usih law, vanmi nungak bantuk kan si cio ko lai cuta …ha.. haaa.. haaaaa…..loh bak!

Ngun Thio Mang

THS Degree

Pengtlang pakhat fellowship ah smart ngai in coat ban bul, tho paw vaangtlek sam, bawngbi nak le sonny boot he tlangval pakhat, univresty kai nungak pawl nih an mit at hi pah i bia an hal. Zei degree dah na ngah tiah an hal, “THS” tiah a leh hna. Lau ngai in an zoh. A peh ṭhan, THS long form cu TANG HNIH SUNG degree….he hehe……..

Sang Kulh

Holh fian lo poi zia

Pakhat pa thawngṭha chim i:

“Vanram ah cun Zaan um ti lai lo. Chun lawngte si cang lai.” timi kha, a Laiholh fiang lo i,

“Va rang ah cu Zang um ti lai lo. Chu lawngte si cang lai.” Holh fian lo poi zia!

Salai Maungto

Credit: Riahbuk.net

Leave a Reply

Your email address will not be published. Required fields are marked *