Laipa nih Tawttha nu kong Biazai Tawi te a Phuahmi Capo

Nihnak Vitamin C a si ve ko. Biatak tuk i lak ding a si lo. Nih a chuak kho tak tak. 

Laipa nih Tawtttawk tha nu kong biazai a puahmi hi nih a chuak kho tak tak. A feeling hi a sang tuk ve i si lai chim lo ding tampi tiang a chim. Zei a va si zong ah capo le nuamhnak bantukin lakpiak ko u sih. Lai pa nih a thiam tawk te i Tawttha nu kong biazai tawi te a phuahmi cu a tanglei ah a um lai.

Maw Tawttha Nu pi Zalam ah a vak hoi cang.

Hi Tawttha nu hi ka Ta a si kho te hnga maw?

Aho Fapa Ta dah a si va  te hnga? Maw Tawkttha Nu

Tlingkhan dang in a si lo le si lo Saih Kuu ka Yin tawn.

Ka ruahnak a thur caah maw na tawttawk ka duhtuk bia.

Na tawttawk tthatnak nih ka lung a ka mih.

Na Tawttawk ka duhtuk ah hin na Min hmanh ka chim siang lo. Baibe

Zei si paoh ah na min ah ‘Tawk Tha Hlei Par “Tha Tha’ ka ti lai.  

Credit: Laipate 

Capo dang zong hi van rel chap tuah. A tha kho tak tak.

Mawttaw Bus nih tlik takmi Model Sung Sung.

A tuanbia cu hi ti hin a si:-

Sung Sung hi an khua nungak muidawh le pumrua ttha pakhat a si. ‘Sung Sung’ ti cang ahcun khuami vialte nih an theih dih. Khua i ummi hngakchia pa tete hmanh nih a min hi an theih khawh ve. Sung Sung hi a mui aa dawh lawng a si lo. A tawttawk hrim a ttha. Khuachung lam i a leng cang ahcun khua um tlangval cu chim lo Patung pipi hmanh nih mit fak dihlakin an zoh tawn. Leng Sung Sung mui hmuh duh ah zuri tlangval tampi tiang biakinn an phan. Sung Sung hla a cawn cang ahcun khua um tlangval dihlak Biakinn ah hla cawn an i thawh tawn. Cucaah khrihfabu mino President nih Sung Sung hi nungak dang vialte nak in a dawt khun.

‘Sung Sung’ hi a fim i a thluak zong a tli. A thiam lomi le a theih lomi hi a um lo ti u si law kan palh lem lai lo. Zeipaoh ceihpi khawh a si. Baisikup lemcang pawl kong hrim hrim cu a theih khawh tuk. A mui aa dawh bantuk in a aw zong a ttha. Sung Sung hla a sak cang ahcun biakinn i a ngumi vialte zong an i tthang i, khuasik saisem vialte chuak dihlak in a hlasak hi an ngaih tawn. Asinain Sung Sung hi aa uah tuk. Khua tlangval pawl hi a duh hna lo. Khuadang  tlangval pawl lawng a chonh tawn hna. Khuadang tlangval an si paoh ahcun an i dawh lo zong a duh tawn hna. Hi ruang ah khua um Tlangval pawl an lung a fak.

Voikhat cu khua nungak muidawh Leng Sung Sung cu khual tlawng dingin Bus aa cit. Zingka tein Bus cun khual a tlawng. Khual an tlawn cuahmah lio ahcun a pawng kal a chuak ai. Bus cu an dirter i, ramlak ahcun a ek a va ek. Bus aa citmi minung pawl zong cu a duh-herh an tuah ve law law. Minute 15 hnu hrawng khin Bus aa citmi pawl cu an kai tthan hna. Asinain Vanchiat cialngel ah driver pa nih Sung Sung hi Bus ah a kai cang rua a ti i, a tlik tak diam ai.   

Sung Sung cu tlawmpal ah ramlak i a ek ek nak cun a rak chuak. Bus a zoh i, a um ti lo. Ramlak pi ahcun amah lawng pi lawng a dir. Ramlak lampi ahcun a dir i heh tiah mawttaw dang pawl cu dir ter a timh hna. Asinain aho hmanh an dir duh lo. Sung Sung pawng i a phanmi mawttaw paoh nih ‘Ka Rian herh tuk. Emergency rian ka ngei sorry’an ti i an tlik taak peng.

Sung Sung nih Khua cu chun  hlan hrim hrim i phan a duh caah a thin a hang tuk. A mah te cun ‘Bator Driver pawl’ tiah a zai len. Cu ti i khua a tuak lengmang lio ah cun mawttaw car aa dawh tak takmi a rak ra. Sung Sung nih Driver pa cu a zoh len nain Driver pa hi zeithei lo bantuk tein aa um ter. Sung Sung a thin a hang tuk hringhran. A donghnak ah Sung Sung nih zeiti ti awk a thei ti lo i, a bawngbi chungnawh BISS bak a phoih ciammam i Driver pa cu a rannak in a dir colh.

Sung Sung cu Mawttaw ah fawi tak tak in a lut colh.  Cuticun a muidawh, thluakttha, hlasakthiam le tawttawk tha Leng Sung Sung cu tuan te ah Khua a phan ti a si.

Cawnmi: A hmunhma le a herh ning zoh chih in thluak hman ve Ding.

hehe

Leave a Reply

Your email address will not be published. Required fields are marked *