McGregor le A Daling Devlin Nun Lamthluan

Ireland khuapi Dublin in vawleicung sport lentecelhnak sangbik tiang a phan kho tu Conor McGregor daling nu  hi ahodah a si. Lentecelhnak vialte lakah boxing tibantuk aa celhmi hna nih hin thazaang petu ttha an ngeih a herh khun rua ka ti.

Conor McGregor daling nu hi Dee Devlin a si. Hi hna pahnih hi kum 9 reng lo an um tti cang i, tukum hramthok ah khan fapa Conor Jr an ngeih. A daling Devlin hi Conor thazaang a petu bik le amah a dir kamh tu tak tak a si.

An zuam phun hi a dang ngai veve nain daw tein kum tampi caan an hmang cang tti cang. Conor bantuk in a daling Devlin nih hin Irish miphun a sinak hi a uanpi ve.

Conor lentecelhnak lei UFC le Professional Boxing ah biatak te i a min a than hlanpi hin Devlin he hin an rak i uar cang. Conor zong nih caan tampi ah a daling Devlin cung i a lawmhnak a langhter tawn.

Ati mi cu zeihmanh ka si lo lio le harnak phunzakip ka ton lio zong ah a ka kaltak bal lo tu a si a ti.

Devlin hi MCGregor fan number 1 nak bak a si. UFC le Boxing aa tthuat zong ah hin a daling nu Devlin cu umtu a thiam lo ti a si. Boxing a tthuatu tak tak nak hmanh in a ttang deuh an ti. McGregor boxing aa tthuat ahhin a lungre a thei tak tak tawn.

Devlin nih hin Conor hi hmailei ca tiang a zumh tak takmi a si. Conor thazaang peknak caah tiah a rian bak aa phuak i, Conor khualtlawnnak poh le boxing aa tthuatnak poh ah a zulh. Devlin hi Conor tangka cazin tlaitu a si.

 

Conor nih a tangka cazin tlaitu bik ah a daling  nu a hman. Nizan an i tthuatnak ah Mayweather zong nih tei ko hmanhselaw $ 75 million bak a hmuh ko. Vawleicung lentecelhtu vialte lak ah lakkhah sangbik 24nak a si.

Conor nih a chim tawnmi cu Devlin  nih zingka a thawh ka tein zan caan tiang ka thil tuahnak poh ah a telpi a ti. Conor thazaang petu tak tak a si. Devlin nih hin Gym hna ah  a kalpi, Conor chunmang ttha tein a ngaihpiak, thazaang tampi a pek.

Conor zong nih a chim  ve mi cu Hi vialte hi Devlin tello cun ka tuah kho lai ka zum lo tiah a ti. Conor nih a zumhmi cu Pa hlawhtling poh poh hnulei ah Nu lianngan deuh an um peng ti hi  asi. (Behind every great man is a greater woman).

Conor UFC i aa thuat lio tein , Devlin hi Conor aa tthuat a zoh ahhin a lungre a rak thei tuk cang, Conor aa tthuat ahhin ttha tthi hmanh in a zoh  ngam tawn lo.

UFC le Boxing i biatak tein i tthuat cu hei tuak ko law zeitlukin  dah daling le  an lungre a theih lai. Atu ahcun Devlin le Conor hi nuam tein  dinh caan an hmantti lio a si.

Source: Mirror

Leave a Reply

Your email address will not be published. Required fields are marked *