Mirum pakhat a um cu Mirum pa nih In cu atha bik cem si ding ah naka sak piak lai tiah ahawi pa Mistiri/letama afial $300,000 apek ahnu ah thil lang mi cu amak ko,

Mi pakhat arum ngai mi nih hin ahawipa mistiri sifak/rethei ngai mi sin ah cun, $300,000 a pek, In naka sak piak lai-I, hlawh than gai in pek nasi lai tiah, ahawipa mistiri pa sin ah kan zum ngaingai caah In tha bik cem siding in naka sak piak lai mu tiin achim piak khi asi. Mistiri pa nih cun atam khawh chung in amiak hmuh aduh ruang ah, an In saknak thilri hna cu aman tlawm mi longte ahman khi asi, nain alenglei ah cun dawh ngai ngai in atuah piak, In zong zoh ah cun adawh ve bak ko khi asi, mah an In saknak ah cun $40,000 a miak angeih hnu ah In cu sak dih asi.

A lenglei in zoh ah cun In dawh ngai mi asi, mi dang zong nih an zoh tik ah ava dawh ve ti leng mang khi asi, In ngeitu pa zong nih azoh ve adawh ngai ko tiin lawmnak bia zong a chim, In ngeitu pa nih cun ka hawi kei cu umnak ding ah In ka ngei ko cang caah, nang cu In zong na ngei ve rih lo caah, atu ah nangmah ni nasak mi In hi nangmah nih na ngeih lai mu tiin a pek ko kha, Insatupa nih cun alawm ngai ko nain Insaknak ah ahman mi thil hmanrua tha lo mi long ahman caah pawi ati ngai ngai khi asi.

Mistiri pa nih cun amah ngeih ding ah In asak mi asi timi athei lo ruang ah thil hmanrua tha lo mi hna anrak hman kha asi, a In asi tik ah cun angai chih ngai ngai khi asi, can arauh hlan hnu ah cun a hmanrua chia ngai ngai mi arak hman caah arak lang ko cang, a In sak mi cu kumkhat hnu ah achia dih, amiak an hmuh mi $40,000 zong an hman dih cang fawn, kum 2 hnu ah cun In ngei lo in a um fawn cang tik hi asi than, mah nih alanghter mi cu Minung kan lungthin chung ruahnak le lung put athat lo zia fiangtuk in alanghternak asi apawi bak ko.

Mah Mistiri pa cu ahawi tha Mirum pa nih In an ngei ti lo tiah atheih ah cun zei ruang dah asi tim theih tim in ava kal ah cun, aw ava pawi ve ahmasa ah khan zumtlak nasi lo zia hi theih ning law kei mah nih kansak piak ko lai nain, atu ah cun ti ngainak a um ti lo, dam chung ah mi sifak/rethei nasi peng ko cang lai hi ta tiin akir tak daih khi asi, Mi kip nih hin mah caah Insak ceu kan si, mah caah Patian zum ceu kan si, mah caah riantuan ceu kan si zumtlak lo le ziarnak lungthin ngei mi cu atu bantuk hin kan mah cung thiamthiam ah kan tuart awn khi asi.

Galatia 6:7 Ithlen in um hlah uh, Pathian cu hmuhsit khawh asi lo, mi nih an cin mi cu an zun vete lai.