Mizoram Ah A Zaam Mi Palik Hna Nih A Um Hmun Te In Mipi An Dirpi Nak An Langhter!
Kawlram chung in Palik zei mawzat cu CDM an zulh i, Ralkap rian an chuah tak ruang ah Kawl Ralkap nih tlaih ding in an ti hna. Sihmanhsehlaw himnak duh ah India le Myanmar Ramri Mizoram chung khuate hna ah an zaam cio hna. Mizoram hna zong nih innka kaupi an awn piak hna. Hi Palik a zaam mi hna nih hin Ralkap uknak an duh lonak cu an umnak hmun te in ‘Kutdong 3’ piah in an langhter ve. An Mui le Khawi ka Mizoram hmun ahdah an um ti hi an langhter duh lo caah, kan rak langhter lai lo.
Photo: Sajjad HUSSAIN / AFP
Crd: Mizoram News
Relchap: Tuni Yangon Thil A Cang Mi Cu Ngaihchia Tak Tak A Si Ko.
Yangon, Hlaing Thayar ah Minung Pathum Nunnak Liam
Yangon, Hlaing Thayar ah ralkap le palik nih meithal in an kah hna caah minung pathum nunnak a liam cang.
Hliamhma a pumi zong an um len. Hlaing Thayar ah a ummi sehzung pathum zong an kaang.
Lamkhamnak an tuahmi pawl palik le ralkap nih an khangh hna.
Kachin ramkulh, Phakanh zong ah kum 30 tlangval pakhat a nunnak a liam.
Pago zong ah lamzawhtu nih palik le ralkap chuak kho lo ding in an hren hna i, palik le ralkap lei nih meithal in an kah hna. Minung pakhat a nunnak a liam i a dang pakhat a ttang ah an kahmi zong a zual ngai.
Crd- The Chin Journal