Muidawh min thang Amber Heard nih Johnny Depp sin ah tangka liam/pek ding angei lo caah, taza cuai than a timh,

Amber Heard nih Johnny Depp sin ah tangka pek ding angei lo ruang ah, taza cuaithan tim asi, US lei ah minchiate timnak kong ah, Court ah taza cuainak cu, kan hnu deuh ah tangka liam ding zat court biachahnak kanrak langhter cang mi kha asi, Actress, Amber Heard nih a pasal hlun “Pirates of the Caribbean” star Johnny Depp sin ah tangka tampi liam ter ding ah taza cuainak ah thiam aco lo caah amah tu kha tangka $15 million liam ding ah ti asi, nain Court nih an biachah an tuahnak ah, tangka liam ding zat ati mi hi, Amber Heard rumnak nih adaih bak lo khi asi, Amber rumnak hi $8 Million hrawng long angeih mi asi.

Thursday ah khan Amber caah adir mi lawyer Elaine Bredehoft nih NBC’s TODAY show ah Amber Heard nih hin, Johnny Depp sin ah tangka liam zat ding angei lo tiin achim, Elaine Bredehoft nih hin Amber Heard hi Court biachah tuah nak le tangka liam ding tiah an timi ah, a lung adam kho taktak lo caah, taza cuai than atim tiah achim than khi asi, mah pahnih karlak buainak hi Jury 7 hna nih bia tak tein an ruah/ceih hnu ah, lungrual tein biachahnak an tuah mi asi, Depp le Amber hna hi pakhat le pakhat amualphoter veve khi asi, nain Amber hi tangka liam tam deuh ding dirhmun ah arak dir mi kha asi.

Jury hna nih cun Depp sin ah Amber nih hin $15 Million liam ding in an theihter nain, tangka liam ding mi chung ah hremnak ah hin tangka liam ding zat ah avan tha deuh ruang ah Amber nih $15 million ding mi cu $10.35 million ah atla niam hi asi, Depp zong nih Amber sin ah $2 million a pek ve fawn lai khi asi, 2020 ah The Sun tabloid nih nupi kutthlak tawn tiah an chim mi ah, Depp hi libel case ah teinak arak ngah cang khi asi, atu ah taza cuainak ah hin December 2018 ah Amber nih The Washington Post ah op-ed a tial ruang ah khan asi, mah ah hin fakpi in kut an thlak hnu ah adam chuak mi asi ti phun in, achim mi kha asi.

Johnny Depp min achim lo hmanh ah mi mawl bik ca hmanh ah, Depp kong achimnak asi timi hi theih lo awk tha lo khi asi, Depp nih hin minchiatter nak tiah hmang in $50 million liam ding in taza cuai asi, Amber Heard zong nih a hnu ah $100 million liam ve ding in taza acuai ve fawn kha asi, Amber lawyer Bredehoft nih Depp legal team hna cu Court chung ah ningcang lo in khuasa tiah achim fawn, evidence an ngeih mi tete hna zong chuahter le tarlan nak can zong akan tuah piak lo tiin achim fawn khi asi, mah milar pahnih hna kong nih Social media arak luah vet awn khi asi.

Cre: Moses pa