Na Ke Pungsan Nih Na Sining Fiangtein A Langhter!

Kan ke pungsan zong hi aa khat cio lo. Mi hlatmi pawl nih cun kan ke pungsan le umtuning an zoh lengmang tikah hibatuk ke a ngeimi hi mah ti cun an um tiah an phuan. A tanglei hmanthlak ke hi tha tein zoh law, na ke van check colh teh. A hman tuk an ti ve ko lai rel law

1. Egyptian ke

Hi bantuk ke a ngeimi cu komh an nuam i, mi zaangfahnak a ngeimi le mah aa zohkhenh huam takmi an si. A za tawk tein thil a tuahmi an si.

2. Roman ke

Hi bantuk ke a ngeimi cu thil a za tawk i tuah a thiammi an si. Thil a a har deuhmi cawn tikah hoi dang nakin an i thiam an i harh deuh. An tum a ruh tak tak. Cucaah an tuah mi paoh ah hlawtlin an i tim peng. Zei antuahmi paoh ah daithlang lo te an tuah ahcun khuaawng an pem

3. Greek ke

Greek ke a ngeimi cu, lentecelh lei a thiam tak mi an si i, a tthawn zong an tthawng. Mi hruai a thiammi ansi i, an tumruhnak hi zohchuntlak tak tak an si.

4. Peasant ke

Hi bantuk ke a ngeimi cu, mi lungsau, mi zawnruahnak a ngeimi le mi zaangfahnak a ngeimi an si. Thil an tuah hlanah ttha tein khua an ruat ta tawn.

5. Hngete a fami ke

Hngete a fami ke cu zeipaoh a sining i chim a hmang mi an si. Lih chim an huam bak lo i, thuh mi zong an ngei fawn lo. An lung ummi chim an hman tikah biathli ngeih an thiam lo.

6. Khualtlawng ke

Hi bantuk khualtlawngmi ke a ngeimi cu khualtlawn huammi an si hlei ah. Lunglen a hmang mi zong an si. Lengchuah a nuam an ti cem ko nain, innchung tluk i duhmi an ngei lo.

7. Ke sau mi

Hi bantuk ke a ngeimi hi cu komh a nuammi le capo a huam tak tak mi pawl an si. Mah a zohkhenh kho mi le, bia al a hmang tak mi an si. Mi theihthiamnak a ngei tuk lo mi an si mi hi a ttha lo mi pakhat cu asi.

A tanglei capar hi rel chap tuah.

Duhdawtmi Ruang Ah Lungfaak Kekuai In Aummi Hna Nih Rel Hrimhrim Ding

Kan duhdawtmi hna (Darling) maw siloah kan nupi pasal nih maw lungfak in an kan tuah i, an kan tthen tikah anemnak tein leh-rulhnak le ihrimh tthannak caah attha taktakmi si. Rak rel hrimhrim ve.

1. Dawh Tein Um: Na lungfah lio ah cun ittamh le dawh tein um ding cu a har ko lai. Sinain a lungfahter na duh ahcun ti khan na um awk a si loh. A hlan nakin dawh deuh ding in um law an hmuh tthan tik ah ai chir lai i a lungfak ve lai.

2. Izuam: Na lungfah lio ah na nunnak kha a sung pe thlu hlah. An kaltak hnu in zeitluk indah na thangcho timi le teinak na hmuh timi kha hmuhter. A tuah khawh lomi dirhmun ah um khawh izuam law zeitik hmanh ah zoh chuk in an zoh khawh lo nak ah um izuam. Cuticun ai chir lai i a lungfak ve lai.

3.Nuam Tein Um: An kaltak hnu in hmaichia in na um peng ahcun ka tei tiah ai ruah lai. Cucaah na lungfahnak kha langhter loin le an fahtertu thil hna kha philh izuam law nuam tein um izuam. A um lo zong ah nai nuammi a hmuh tikah a hnu ah ai chir lai i a lungfak lai.

4. Philh Cang: An kaltak cangmi le lungrep ngei lomi cu uar le ruahchan an hau ti loh. Cucaah philh ko. A rak in pekmi thilri vialte kha hlonh dih hna. A kong na ruah paoh ah leng ah chuak law na hawi le tong hna. TV zoh tti uh. Capo sai uh. Cuti na um sau ahcun cikkhat teah na philh cawlhmi kha a hmuh lai i ai chir ve lai.

5. DL Thar Ngeih Izuam: Chim duhmi cu na thinglung hma fakmi damternak caah si loin, na duhmi dang an um i an uar phun minung an um a si ahcun ipheh lo tein izuam cawlh ko. A hlan na palhnak kha cawnpiaktu ah i ser hna law ai dawhmi le zohchunh tlak si izuam. Mah cu ti i na dl thar he nan i nuam tti le nan lengtti lio a hmuh ahcun mi lungrep ngei lo cu a lung a rak fak tuk ve lai i na tei lai.

Leave a Reply

Your email address will not be published. Required fields are marked *