Nihchuak tak tak in Nutung nu a Hnamhmi A Soitu Hna a Leh Hna.

Naite khan Philippine President Rodrigo Duterte nih nutung nu cu mizapi hmai i a hnamh caah sawisel a tong tak tak. Amah a soi tu hna a lehnak hi nihchuak kho tak tak.  Philippine President Rodrigo Duterte nih zahan naite khan South Korea ram i Filipino rianttuantu (workers) pawl hmai i bia a chimnak ah hi nutung Nu hi a hnamh.

Philippine President Rodrigo Duterte cawlcanghnak hi mi tampi nih an sawisel. Abik in Philippine ram i khua a sami hna nih an President pa hi biatak tein an soisel. A cheu nih fih a nungmi cawlcanghnak tiah an ti i, a cheu nih nu paoh paoh a hau tu le zei a rello tu (Misogynist) President tiah an ti.

Hi cawlcanghnak hi zahan naite Philippine President Rodrigo Duterte nih  South Korea a tlawnnak i a cangmi a si. Seoul khuapi i Filipino rianttuantu (workers) pawl he tonpumhnak ah Nutung Nu pakhat cu donhhlei (Stage) ah a auh, cun cauk a pek. Nutung nu nih hin ihnamh (kissing) hi a ot hmasa lo. Philippine President Rodrigo Duterte tu nih nutung nu hi ka hmur ah ka hnamh tiah a ti. Nutung nu nih cun ningzak buin a hnamh. Biatak tein a ni than.

Rodrigo Duterte nih nutung nu cu na pasal sin ah hihi capo sawh sawh a si ti na chim kho lai maw? tiah a hal i Nutung nu nih ‘aw’ tiah a leh. Cuticun an i hnam (kiss). Filipino senator Risa Hontiveros belte nih Rodrigo Duterte cawlcanghnak hi nu zeirello le nawlngeihnak hmansual tiah sual a phawt ve.

Philippine President Rodrigo Duterte nih pasal a ngei cangmi Nu a hnamhnak hi Philippine ram mipi hna lakah thawng a thang ngai ngai i, biatak tein minung tampi an thin a hung. Nutung Nu Bea Kim nih BBC sin i a chimning ah hi cawlcanghnak ah lungthin tthatlonak le phundang i ruahawk a um lo tiah a ti.

Philippine President Rodrigo Duterte hi nu pawl cung i a biachim le a cawlcanghnak ah voitam nawn sawisel a rak tong bal cang. Naite khan Philippine President Rodrigo Duterte nih Filipino ralkap pawl a chimning ah Ralhrang (rebel) Nu a simi nan hmuh ahcun an papak/chu ah nan kah hna lai ti tiang a rak ti bal.

Naite a cawlcanghnak zong hi amah tu nih nutung nu hi hnamh dingin a sawm chih. A Pasal a si kan ti lai maw? Hi pa hi ttih timi a ngei bak lo vemi a si.

Hi kong he pehtlaihin amah a soi tu hna cu nihchuak tak takin lehnak a pek than. A lehnak hi nihchuak tak tak hoi.  Naite mizapi hmai i Pasal a ngei cangmi Nutung Nu a hnamhnak ruang he pehtlaiin ‘Nu tam nawn nih President a sinak i idin ding i minsen an thut ahcun President office ka chuahtak lai ‘tiah a ti.

South Korea media nih a langhter ning ah Ka phuahnak ding ah Nu tam nawn nih min an thut ahcun ka phuak lai tiah a ti salam ko. Philippines President Rodrigo Duterte nih a ti chim ning ah nutung nu a hnamhnak ruang hi zoh dawh sawh sawh le capo sawh a si tiah ati.

Source: RT & Fox

Leave a Reply

Your email address will not be published. Required fields are marked *