Nu Pawl Nih Internet i Thil A Thli Te in An Kawl Tawn Mi Thil



Nu pawl cu theihthiam an har an timi hi a hman bak mi asi. Asinain mah nihhin nu pawl kong ah theihduh nang lungthin a chuah ter. Nu nihhin google ahhin zeidah an kawl tawn na ruat bal maw? Hi thil hna hi google ah nu tampi nih an kawl mi asi tiah google analyst nih a rak phuan.

1. Zeitindah ka rihnak fawite in ka zaan ter khawh lai

Hihi nu tampi an thil kawl cia mi zohnak (search history) zoh ahcun a tam deuh nih an kawl mi asi. Google nih a chimning ahcun nu 100 ah 78 nihcun hihi an kawl viar. Kan theih cang mi cu nu pawl hi a zaangmi si an duh, a rit mi si loin.

2. Zetindah keimahin ka sam kai meh khawh lai?

Na rak theih lo sual ah, nu pawl nihhin an sam hi an taksa vialte lak i an zohkhenh cemmi asi. Pa nak hmanh in an sam ahhin an thinlung an pe deuh. Sam dawh te i riam duh tawn. A cheu nihcun nu sam mehnak dawr i kal an huam lo tikah google hna ahhin an kal tawn.

3. Anmah le anmah an i kawl tawn (100 ah 68)

Nu pawl tampi cu anmah le anmah hi google ah an i kawl tawn. Mi nih ka kawl sehlaw an ka hmu hnga maw tiah an i kawl tawn. Thil mak tak pakhat cu Facebook hna ah hawi tampi na ngeih ahcun nangmah kha nai hmu kho ve ko. Na min faak Facebook i na chiah ning khan kawl hmanh.

4. Mah ruang ahhin nau ka pawi hnga maw?

Nungak a si rihmi nu nihcun nau pawi hi an ttih tak mi asi. Pa he nuva sinak an tuah tti hnu ahhin google ahhin an tuah mi vialte an ttial i, nau an pawi ding le pawi lo ding hna an hal tawn. A cheu cu midang nih an rak leh tawn. Hihi nu 100 ah 55 nih kawl tawn tiah google nih a ti.

5. Ka Dalingpa hi ka caah zumhawtlak in a um maw?

Hihi cu google i kawl ding ahcun a mak ve bak mi asi. Asinain nu pawl nih an biahalnak an vun thleng i, “Ka Dalingpa hi ka caah zumhawtlak in a um maw?” ti ti loin, “Zeitindah ka dalingpa hi zumh awktlak asi ti ka theih lai?” ti tuin an kawl cang.

6. Zeitindah Social Media ah zultu (followers) tampi ka ngeih khawh lai?

Nu pawl tampi cu Social Media lei i zultu hi an duh tuk nak ahhin a tak i anmah a zultu ding zong an kal tak diam hna. Zultu tampi an duh ruang ahhin a herh lo tuk mi taklawng dengmang hmanthlak hna an thlah tawn. Hi biahalnak hi 100 ah 56 nih an hal tiah google nih a phuan.

7. Zetindah ttawk lamter ning asi?

Tuchan nu ttawk ttha pawl nih an uar tak tak mi cu ttawk lam ter hi asi. Cucu Laimi nihcun kan ti tuk lem lo. Ramdang nihhin hi lam hi “TWERK” an timi asi i ramdang nu 100 ah 89 bak nih hihi an hal mi asi. Ttawk lam ter i pa mit lak an duh le si lai.

Source: Questionblogger



Be the first to comment

Leave a Reply

Your email address will not be published.


*