Nungak pasal ngeih ding an hmuh lo ruang ah tlangval nak in Nungak an tam ning cu 10% leng in an tam deuh cang ko,

Nungak pasal ngeih ding hmuh lo mi an tamtuk cang zei ruang dah sihnga? Nupi caah pa hna nih an duh lo mi Nu hna cu,

Nu cheukhat hna cu chungkhar le ngandam lonak ruang ah, Cun biaknak lei ah kar hlang aduh ruang hna ah khin pasal ngei lo khi zei maw zat zong an um ve khi asi, Nu cheukhat hna cu pasal ding ah ahmuh lo ruang zong ah pasal ngei lo in a um mi zong an um lai, mipa hna nih Nupi caah an duh mi Nu hna cu:-

1. Fim ati mi le Fel ati mi Nu cu: Nu fim le fel hi atha ngai ko, Amah belte cu  Nu fim ati mi, Fel ati mi, tha ah aruat mi, midang hna zeirel tuk lem lo hna hi amui adawhtuk ko hmanh ah mah bantuk Nu hna cu, pa nih hin nupi caah siseh, an nungak caah siseh an duh tuk lem lo khi asi.

2. Pasalhna tangchiah mi Nu cu: Nu thin chia le a uah ngai mi, pasal hna tangchiah phun nu hna hi mipa nih zei hmanh an rel lo, Nu a uah mi, bia chim kho ngai mi, pa hna tangchiah duh mi phun nu hna hi pa nih nupi caah an duhtuk lem lo khi asi fawn.

3. Nungak siphun Nu cu: Nungak nunnem deuh an tlangval hna pohpoh he Sex hmanpi khawh peng mi hi aho hmanh nih nupi caah an duh lo, An vanthat ah cun mipa tha deuh ahmuh ve khawh khi asi, Amah belte cu hnulei nun umtu ning tha lo tamtuk ngeih mi hi mi nih an hmuh ning adang ngaingai timi hi Nu hna nih an theih awk biapi ngai khi asi.

4. Thil ngeih mi le tuannak man a uah pi mi Nu cu: Tu san ah cun nungak hna chung in sawlet thiam mi le business tuah thiam mi zong arak um pah ve cang caah, Cun acozah riantuan zong antam pah cang, tangka ngah deuh mi zong an um ve cang, mah ruang ah cun a uah mi le mi zeirel lo nu hna hi an um ve, mah bantuk Nu hna nak in nungak fel lungthin tha pasal upat thiam hi pahna nih an duh deuh i  an thimton zong khi asi.

5. A lenglei ah nun tamtuk ahman mi Nu cu: Nungak alenglei chuah tamtuk le alenglei nun tamtuk ahman mi hna, mah le inn chung ah umtuk lem lo, zei maw puai umnak hna ah hmuh peng mi nu hna hi mipa pitling mi hna nih cun nupi caah an duhtuk lem lo khi asi, khawika hmunhma hna ah lenpi ca ding long ah an duh nupi ca taktak ah cun an duh lem lo.A  can le ahmun te ah kal belte hi atha, nungak a pum bal lo mi cu thil dawh lo ngaingai khi asi, Biak in mui hmuh bal lo mi nungak he cun zeitin dah Khrihfa chungkhar kan dir khawh lai? thil har bik cem asi, Biak in pumnak nih hin umtu ning tha le mi dang hna he khuasak ning thiamnak le cawnnak pakhat asi.

6. Hnipuan aihnak lei ah aluantuk mi Nu cu: kan ngeihchun te he dawh ngai in hnipuan aih hi Khrih phung he zong atlak mi asi, hnipuan thar le adangdang hna uah pi in athleng peng mi nu hi tlangval hna nih an fih deuhtu khi asi, Nupi caah cun dawh te le upat tlak te in hnipuan ngeihchun te aih mi hi nupi caah thim asi deuh ton, nu nih cun taksa thiangte in um le mi hmuh ah hnipuan thiang le taksa thiang hi upattlak nu asiton caah mah cu nupi caah an duhton khi asi.

7. Holh hmang ning le umtu ning Nu cu: Mi dang nak in holhka thiam ati mi, mikong ceih peng mi, holh tam over deuh mi nu hna, abuaiter peng mi, thiltuah athiamter tuk mi, aherh huha lo in mi zoh ning le mit au thleng peng mi nu hi nupi caah an thimtuk lem lo khi asi, aherh lo ah anii tuk mi, a tlangval ngeih zat hna chimton mi, mah bantuk nungak hi mipa nih nupi caah an thim duhtuk lem lo khi asi fawn.

8. Nungak cu asi ve ko cubantuk Nu cu: zeihmanh thiamnak ngei lo, thiam timhnak zong ngei fawn lo, rawlchumh zong thiam lo, hnipuan suk zong thiam lo, khawika hmunhma hna le khua dang hna tlawngnak ah siseh zeihmanh tuah ding thei lo mi, mi kabawm ve tuah lai tihmanh thei lo mi, um ve sawhsawh nungak min pu ve fawn cubantuk nungak cu pa hna nih nupi caah an thim bal lo khi asi.

9. Cathiam zeihmanh thiamnak ngei lo Nu cu: ca zong cawn tilo, thiamnak angei fawn lo, thiam atimh fawn lo,  a manh ngaingai fawn, hnipuan aih/hruk long thiam, TV zoh le mobile phone tong long thiam cubantuk nu cu ahohmanh nih zeihmanh an rel lo, Nupi caah le bang cu mi nih an duh lem lo, vanthat ah ahmuh asi zong ah mui dawh lo ngai mi pasal asi ko lai.

10. Nu zu din le ritthaisii tongh mi Nu cu: Nu nih Zu din lio an hmuh cang ah cun mipa nih an hmuh ning adang ngai ko cang, nu sinak le upattlak ding zong in anruat tilo khi asi cang, Cun Nu nih ritthaisii hna atongh chinchap le bang cu pasal tha zeitik hmanh ah an hmu kho ti lo, an mah bantuk Zudin sa ei mi nih cun nupi caah an ngeih ve ko lai nain chungkhar nuam ser cu ahar tuk mi thil atling.

A donghnak bik ah cun, Nungak apawng ah umnuam, polike ngaingai, upattlak te in um mi, thiangte in um duh mi, taksa zohkhen thiam le felfai te ah umtu ning thiam mi, lungput that ning te in mi hmaika ah langhter mi, nunnem thinfual le mah le mah zumtlakte in a um mi, thil dik duh mi le fel te in acawlcang mi Nu hi Mipa tampi nih anrak uar khun Nupi ca zong ah mipa vanthat aher an vanchiat ah cun cubantuk nungak cu an hmuh kho lo khi asi.

Cucaah cun Mipa nih an duh bik mi Nungak ziaza le umtu ning in nungal fel le fel lo cu mipa mit ah hin fiang deuh in alangton, mah hna cu mipa nih Nupi caah anrak thimton nak chan zong asi timi hi Nu hna nih theih ve selaw cu ti cun Khrihfa chungkhar nuam kan dir khawh ceu lai ka lawm. Cre:MS