Nuthlawi muidawh pakhat ruang ah asi ko! Mah thawngpang nih vawlei adenh bak ko e,

Lam tampi ah hin Nungak virgin nak in Nuthlawi nih hin mipi duh ning atheih piak, athiam fawn, holhka ah lung atling, thil tuahnak kong ah experience angei, nuthlawi hnu ah model tampi an chuak cang fawn, atutan nuthlawi pakhat ruang ah thil cang mi hi aturu in mah thawng pang nih vawleipi adennak kong asi, can na ngeih ah cun rak rel ve hrimhrim na ngaisih lai lo!

1936 December 10 cu thil adang ngai ngai ko, vawlei thawngpang ah News front page ahmasa bik ah Word of Capital bak in “England Siangpahrang fapa Edward VIII nih nuthlawi ruang ah Siangpahrang thut dan le Siangpahrang Luchin akal tak” tiin atial mi hi asi, Mah thawngpang hi vawlei cung ah thawngpang mak an ti mi chung ah atel phak mi asi, mah lio ah cun Vawlei chak le thlang chim le hmar ah, Ni/Sun tla cawk lo ram uk tu arak si, ram tang le vawlei tang tiang hmanh ah alar chuak mi thil le news arak si, An ram uk mi : America, Canada, South Africa, Australia, Newzeland, India, Pakistan, Myanmar, Malaysia, Singapore le South East Asia etc. ram tampi uk tu arak si, a ram uk mi hna ram cu hmun khat ah ni/sun atlak lio ah, ram pakhat ah cun ni/sun achuak khi asi ve lio fawn khi asi, Ni tla cawk lo khwakhan laireltu tiah anrak timi kha asi.

Cu bantuk ram ropi ah Siangpahrang fapa upa bik Edward VIII le nuthlawi (Mrs. Simson)-hna iduh dawtnak hrihren fek ning hi amah Edward-bak nih cabu chah ngai mi arak tial khi asi, A cabu min zong ah “Bawibik thawngpang (A King’s Story)” tiah atimi hi asi, Edward VIII hi atu ah Siangpahrang Nu si lio Queen Elizabeth pa George VI pianpi upa bik arak si, mah thawngpang hi kum 80 longte Upa asi rih ko, Vawlei thlenter khawh mi Nuthlawi he an ihmuh, Edward VIII hi sa pel tawn mi asi, an ram upadi ah sa kah khawh can timi ah hin, a nau Geogre VI he sa pel ding in ramlak ah an chuak tawn, ruah lopi in an tlunnak Hostel ah cun Simson hna Nupa zong an tlung ve, Simsonte nupa cu America ram ah um cang mi, England ram a thial mi an si, London khuapi ah an um hna, Simson nupi cu mui dawh le hnipuan aih thiam ngai, hawi kawm ning thiam ngai mi asi fawn, Politic lei zong ah Nu kawm tlak ngai mi khi asi tiah chim asi.

Mah can lio ah cun Edward-he an itheihnak asi, apasal ngeih lio asi ko hmanh ah athlithup in iduh dawtnak an ngei tlat khi asi, Can rauh hlan ah iton than tim in an kal tak rih kha asi, England ram Siangpahrang umtu ning ah cun Siangpahrang Bawibik fapa nih hin mi sawh sawh he ikawm ding asi lo tihi asi, nain a sum kho hrimhrim khi asi rua, athlithup in Nuthlawi sin ah cun a leng tawn khi asi, An iduhnak le dawtnak cu asan in athuk chinchin arak si, ithit/ngeih ding tiang an tim cang, Vawleipi hnginhter khawh mi Nuthlawi arak si lai (It is love that turns the world go around), Edward-caah harsat nak athuktuk dirhmun asi, An iduh/dawtnak hri nih fek chinchin ding ah hren bantuk khi asi cang, an sadhu thah bik cem cu “Hmunkhat ah lenti” hi asi ko, nain an karlak ah harsatnak thukpi in a um cia khi asi ko.

1772 kum ah England Bawibik fapa nupi ngeih ding kong ah, hiti hin dan/dun har tuk mi atial mi cu ch “Bawibik fapa nih nupi a ngeih asi ah cun Rampi le Parliament member hna nih an remtipi ding asi”  tiin, Edward-apa a thih hnu ah: Edward-apa George V cu kum 70 asi lio 1936 January 17 ah arak thi khi asi, Edward VIII hi fapa upa bi kasi ruang ah mah atnglei sinak le covo hna hi amah ta si dih ding asi.

*Bawibik (King)

*Ralkap Bawibik (Field Marshal)

*Vanlawng ralkap Bawibik (Air Force Marshal)

*Lawng ralkap Bawibik (Admiral) mah hna hi asi.

Bawibik sinak ah kaiter asi: A pa George V thih hnu thla ruk chung cu Bawibik sun/can ah ruah pia kasi, An can biakam nak cu July 20, 1936 siin atling cang, Edward VIII zong Ni tla cawk lo ram uktu Bawibik dirhmun ah adir ve cang, An duh mi Nuthlawi Len Mawi zong nih mah thla ruk chung ah hin, Khawkhan lairel tu hna sin ah hin a pasal Simson thennak ding ah catial mi le thil poimawh hna arak tuah fel ve fawn khi asi, Wallis Simson (Simson nupi) si tilo in Nuthlawi Wallis-asi cang, Thla ruk atling hlan chung cu pasal ngei khawh asi ve thlei lo khi asi.

Bia pawimawh ngai mi an ceih : England ram Bawibik le mi sawh sawh Wallis-he ithit/ngeih an tim bak khi asi cang, Prime Minister Baldwin- le Parliament Cabinet-hna cu an buai bak ko cang, Bia ceih nak ah an bia chah mi cu:

*Bawibik nih mi sawh sawh nupi caah a ngeih ah cun Church of England nih a theihpi lai lo.

*Edward-nih hin Wallis- a ngeih ah cun Bawibik (king) a sinak adongh ve cawlh lai.

*Edward VIII cu England ram ah kir than tilo ding in thawl/dawi asi cawlh fawn lai..ti bantuk hna hi asi, aturu taktak ko.

Mah hna vialte hi Edward-hmaika ah an pharh pia kasi hnu ah, pakhat te hmanh apawm khawh ti lo, Pakhat te hmanh asi bak ko!“Nuthlawi Wallis nih Simson ka ngei lai” tiin a leh bak fawn cu, A mah duh thimnak bak in acung ah Upadi phakter a herh ko cang khi asi, zeitluk in dah alungput asi hnga ruah zia thiam ahar bak ko lai mu!

 

Chungkhar ithlahnak cu: Edward-a nu, a pianpi hna le chungkhar an kim/tling dih hnu ah Ithlahnak dar khing an vuak ko cang, An daidep ko, mitthli afar ngai ngai ko nain zei bia hmanh achim kho lo, Ro tangka tampi le Bawibik sinak vialte cu, Nuthlawi pakhat ruang ah ram ni tla cawk lo khawkhan lairel tu Bawibik (king) sinak kaltak in England ram ah kir than tilo ding in Nuthlawi arak hngah peng nak  France ram ah anrak panh ko e, “Ka nu ka nau hna dam tein um ko u, Bawi lio kal tak in zamual ka liam ko cang e, tiin an in bye bye liam asi.

A mer liam taktak ko cang :Dawtnak kan timi hi zeihmanh nih adawnkhan kho bak lo, Edward-cu amah long tein, venghimtu le thlahtu zong ngei lo in Lawng hmete he, mipi theih lo bak in acit ko cang, December 12,1936 zing lei suimilam 2:00-ah England ram, a nu le a unau chungkhar hna, hawikawm rual hna le England mipi hmuh tilo ding in nuthlawi-nih arak hngah nak France ram pan in arak kal liam cang e, Edward thawngpang nih vawlei pumpi arak denh chauk khi asi ko, hi bantuk hin tlanglam hla an phuah piak mi asi.

*Rak kir than ko Edward mui dawh,

I chung le rual hna awka ti bantuk in a nem ko e,

Bawi sithan law kan ti zaleng le rual hna nih,

*Ram ni tla cawk lo khwakhan laireltu,

A pawi ko e nuthlawi leng awka nem he,

Bawi sitling lo nuthlawi ruang ah,

*Ka nu ka nau hna dam tein um ko u,

Bawi lio kaltak in zamual ka liam cang e,

Zungzal in kadawt bik mi then nak in cun,

Parliament nawl in ka nau Siangpahrang si ko se, tiin.