Pathian ram riantuannak ah Pathian thim mi na si maw? Asi lo ah Pathian thim mi silo bu in maw Pathian rian na tuan?Pathian nih nangmah bak an duh?

Thil ṭha tuahnak caah Khrih Jesuh ah cun sersiam in nan um, amah kutchuak kan si ko, thiltha tuah ding ah cun Pathian atuah diam cang, Pathian nih a riantuan ding ah sersiam na si, Bible nih cun, “Thil ṭha tuahnak ding ah Khrih Jesuh ah cun, ser in na um, amah kutchuak kan si, cu thil ṭha tuah cu kan umnak ding in Pathian nih atuah diam cang khi asi ati, Ephesi 2:10

Nachuah hlan in na nunnak ah tuah ding in Bawipa nih an duh cang mi cu, Pathian nih a ruahman diam cang khi asi, Mah vawlei ah hin hmun alongmi phih ding ah chiah na si lo, mah caah cun Pathian nih mi dang hna bawm ding ah amah riantuan ding in Pathianh nih an duh mi na si,  Mi dang aho hmanh nangmah bantuk an um khawh lo, Pathian sersiam ning in a riantuan natuan lo ah cun vawlei minung hi zohkhen lo in a um ko lai tina kasi.

“Thil ṭha tuah” umzia dang cu “Riantuan” hi asi, Na thiamnak le thil tikhawhnak hna cu mi dang bawmnak caah nahman tawn mi cu Pathian riantuan tinak asi, Bible nih cun “Mi kip nih thilpek nan hmuh bantuk in Pathian zangfahnak phun kip zohkhentu tha  hna bantuk in mah bantuk cun pakhat le pakhat riantuanti ceu ko u, ati, 1 Petera 4:10 Thiamnak na ngeih mi te cu nangmah hlawknak ding si lo in, Pathian nih thiamnak a pek nak chan cu midang hna bawmnak ding asi, Aho poh nih talent an ngei dih lo nang cu Bawipa nih an pek mi thiamnak talent asi, mah cu midang bawmnak caah hman ding in Pathian nih aduh fawn cu.

Vanram ah natuah ding mi cu mah vawlei ah hin tuah hramthawh ding in Bawipa nih nangmah kha an duh ko, Vanram ah cun Pathian le midang vialte zong na dawt dih lai, mah nun cu hi vawlei ah hin hmang cawlh ding in hram thawh ding in Bawipa nih an duh ko, Vanram ah cun thlarau ah thancho na si lai-I Pathian rian natuan fawn cang lai, mah nun cu hi vawlei ah hin ngeih cawlh ding in Bawipa nih an duh bak ko, Mah vawlei ah hin Pathian rian nantuan khawhnak lam a um lo, midang caah aherh ning in rian nan tuan piak mi kha Pathian riantuan na si ko tina kasi.

A taktak ah cun midang nava bawmh mi kha Pathian fa hna nan bawm tinak asi, Mi dang caah riantuannak, bawmnak, thil tuah piaknak vialte hna cu Pathian riantuantu talent pek nasi ko, Mi dang caah bawmnak rian nantuan piak khawhnak cu, zei poh ah nangmah cu Pathian nih talent tha bik mi an pek ko timi nan fian can ah cun Pathian nih abik in talent an pek timi na fiang sinsin ko lai cu mu Unau? Nathiamnak, thil tikhawhnak, midang caah zeitin dah nan hman lai? Midang caah rian nantuan, nan bawm ah khan nangmah ah zeitin dah na um? Nang cu mi vantha bak nasi uzuam rih bak ko mu ka u le ka nau hna Bawipa talent pek nasi ko e, kalawm.