Pi.Naomi Te Nupa Nih Pathian Sinah An Fapa An Hlanh.

Kan Lai hlasakthiam kan uar ngaingai mi pi.Naomi Par Tha Sung le Pu. Bawi Thiang Bik te nupa nih an fapa cu Pathian sinah hlanh nak caan an ngei. An fapa Bawipa sin in rosung an hmuhmi hi Rev. Cung Hup nih thlacamnak a ngeih piak hna. Khrihfa kan si bantuk in kan fanu fapa hna cu Pathian sinah kan hlanh hrim hrim ding a si. cu bantuk in pu.Bawi Thiang Bik te nupa zong nih hlanhnak caan an ngei hi a si.

Mah ti hin Pu. Bawi Thiang Bik nih a tial, “October 18, 2020 (Sunday) zingah Bawipa rosung sin in hmuhmi fa le caah thlacampiaknak a kan ngeihpiaktu, thluachuah zaa a kan halpiaktu Rev. Cung Hup cungah le rianttuantu dihlak nan cungah kan i lawm tuk cio hna. Hmanthlak ah ai telmi chung in rak i chiah ve a duhmi caah ka van chiahmi a si ( Fapa 6 le fanu 1, an zate 7).” tiah a tial.

Kan Lai hlasakthiam kan uar ngaingai mi Pi.Naomi le Pu.Bawi Thiang Bik te chungkhar hmanthlak thar pawl cu zoh an nuam kho taktak. An fate zong duh a nung chin lengmang. Hlasakthiam chungkhar ciammam an si ko hi. Pi.Naomi Par Tha Sung te chungkhar hmanthlak pawl cu an i dawh law law khi asi.

 

An chungkhar hi an i rem kho tuk hna. An hnipuan tuah siseh aa khat peng in an i tuah. Mah nih hin zeiti tluk in dah an chungkhar lung aa rual timi zong hmuh khawh a si ve. Cu lawng siloin zeiti tluk in dah an i dawt timi hmuh khawh a si fawn.

Pi.Naomi le Pu. Bawi Thiang Bik an nungak tlangval lio in Laimi nih kan uar ngaingai mi hna an si. An pa2 hin Gospel Singer an si. Pathian thangtthatnak hla sa in hmun dang dang a tlawng tawn mi an si.

Van zoh ko tuah hna. An i rem kho tuk. An hnipuan tuah siseh aa khat peng in an i tuah. Mah nih hin zeiti tluk in dah an chungkhar lung aa rual timi zong hmuh khawh a si ve. Cu lawng siloin zeiti tluk in dah an i dawt timi hmuh khawh a si fawn.

Photo Credit : Naomi Par Tha Sung