Rohingya ralzam mi hna nih facebook taza an cuai aruang cu social media ah ihuatnak thawngpang hna hi an khamh kho lo tiin,

Rohingya ralzam mi hna nih facebook taza an cuai aruang cu social media ah ihuatnak thawngpang hna hi an khamh kho lo tiin, US$ 150billion liamter ding ah an ti,

Rohingya ralzam hna nih cun social media giant, Facebook cu an platform-ah ihuatnak le thinhunnak chuak lei phun in, bia thanh le darhter hna an khamh lo ruang ah, Myanmar-ah Rohigya Muslim-hna lak ah thazang thawh/hmangnak chuaktertu atam ngaingai ter asi, tiah chim in taza an cuai hna US$150 billion liamter ding ah taza an cuai khi asi,

Complaint hi California court-ah submit asi, US-ah a hmunpi ngeih asi mi Facebook hi thil buainak chuahtertu le ruahnak asi lo lei in kaltertu asi khawh asi pin ah, thawng pang dik lo darhtertu ah puh asi.

Facebook-ah bia dik lo le ihuatnak lei chuahter khawh mi darhter ruang ah, Rohingya minung thawngkhat leng hna nun chiattertu asi tiin an chim, Myanmar-ah hin Muslim hi biaknak lei ah miphun atlawm mi/minority asi caah thlei dannak le hmuhsitnak an ton peng ko tiah an ti fawn, Kum 2017 ah khan ralkap hna nih anrak thuattuk ruang ah Rohingya Muslim minung ting tampi hna cu, Bangladesh ram ah an zam hna atu tiang refugee camp dang dang ah, tampi an um rih hna khi asi, azam ve lo mi Myanmar ram ah a um mi hna zong citizenship sinak an pek duh hna lo tiah an ti.

Kum 2018 ah khan UN human rights investigator-hna nih cun Facebook hi ihuatnak chuahtertu le thazang hmannak tampi chuahtertu asi, mah ruang ah cun faktuk in muslim Rohingya nih an tuar ngai ngai tiah an ti fawn, mah kum thiamthiam ah hin Reuters-nih investigation hlatthlainak an tuahnak zong ah, Rohingya le Muslim-hna an thuatnak lei  post hi Facebook-ah 1,000 leng hmuh ding ah a um tiah an chim fawn hna khi asi, mah ruang ah cun atu zong ah cu bantuk thianthiam in Rohingya le muslim hna nih kan tuar than te ko lai tiin Facebook cu taza an cuainak asi.