Samuel Cinzah Nih CNLD Hla A Sakmi Cu Pui Law Law.

Hlasakthiam Samuel Cinzah nih CNLD hla a sakmi cu a pui law law. A hla cu a hot bak si, dawh law law, thiam law law. P.Thawng Bawi aw he an van i lo ngaingai. Samuel Cinzah hi Delhi um cuahmah lio mi asi, tutan CNLD hla a sakmi cu a thiam kho taktak. A tanglei bik ah a video zoh khawh a si lai.

Chinram caah Chin mi (CNLD Hla)

Vapual Thawng (Pu Chan Thawng Ling) nih CNLD hla a kan phuahpiak mi a si. Chin miphun cu kum 70 renglo ramkomh Kawlram kan i fonh hnu ah kanmah nih kan ser mi phung le policy ning in kan i uk kho bal lo. Mi nih tuah uh, tuan uh tiah an sermi phung le policy tang ah ‘alnak nawl’ ngei lo in kan um peng. Tutan 2020 thimnak ahcun Chin ram caah Chin mi, Chin mi caah Chin Party si ve hram seh.

Dawt mi nu le pa le u le nau hna, aralaimi November 8 thimnak ah na thimfung pakhat te CNLD thimfung peknak in Chin miphun cawisannak le tanpinak vun langhter hram ve. Pathian nih kan miphun luatnak le zalonnak pe colh hram seh. Kan miphun Pathian nih thlua kan chuah in kan dirpi hram seh. Upatnak he,

CNLD Hakha – Thantlang (Hla a kan phuahpiak tu Vapual cung ah le Hlasa tu Samuel Cinzah cung ah lunglawmnak tampi kan ngei)” tiah CnlD lei nih lunglawmhnak bia an chim.

Video   https://www.facebook.com/CNLDHakhaThantlang/videos/728180231115844

Video Credit : CNLD