Sui Hlawn Rem Hla Thar Cu A Tha Kho Tak Tak.

Hlasakthiam Sui Hlawn Rem nih Pathian thangtthatnak hla thar “Ka Thlarau A Thuh” timi hla a sakmi cu a thiam kho taktak si. Thazaang tampi lak khawhnak asi. A tha kho tuk hring hran. A tanglei bik ah a video zoh khawh a si lai. A video na zoh hlan ah biaruahnak an neih pi nak hi van rel ta rih.

A tanglei capar ka van thlah mi hi Chin Celebrity nih hlasakthiam Sui Hlawn Rem biaruahnak an ngeih pi nak a si.

Hlasak thiam Sui Hlawn Rem he interview

CCN : Helloo.. Suisui Chin Celebrity News ( CCN ) nih biaruah kan in duh ko caan na kan pe kho hnga maw?  SHR : Kai lawm. Can pek khawh a si ko. A ngah ko.

CCN : A tulio hrawng hi zeidah na tuah bik mi a si? SHR : A tu hrawng hi COVID – 19 caan lio cu a si i hla cawn, hlasak le video i zeih deuh hi ka tuah mi a si ko.

CCN : Khual na kalnak le leng na chuahnak ahhin face mask nai hruk peng maw?  SHR : Heee a caan ahcun ka philh can um i kai hruk lo caan a um ko.

CCN : Khual na tlawnnak ahhin na philh khawh bak lomi thil na ka chim kho hnga maw?  SHR : Ka philh khawh lomi tampi lak ah pakhat cu Bawipa nih a ka pekmi ka awzai in hla ka sak lio ah Nau-in a cancer mi nu nih damnak a rak hmuh i cucu ka philh khawh lo bikmi a si. Bawipa sunparnak caah si ko seh.

CCN : Khual na tlawnnak ahhin a harmi tampi lakah a har bik na timi na ka chim kho hnga maw?  SHR : Bawipa dawtnak thawng in a har ka timi a um lem lo. Mi nih an ka dawt tuk a harnak ka thei lo.

CCN : Laimi nih kan eimi tirawl meh ahhin na ei lomi a um el maw?  SHR : A um lem lo, ka ei dih ko hna. Sinain Ngapih belte hi cu ka duh khawh bak lomi a si😁.

CCN : Nangmah pumpak single music video hi hla fung zeizatdah na chuah cang.  SHR : Bawipa dawtnak thawng in hla fung 30 hrawng ka chuah cang.

CCN : Hlasak lai ahhin aw chuah a that ter lo tu tiah na ruah mi din ei na hrial mi a um maw?  SHR : A um lem lo. A mah belte a can tete ahcun hlasak lai ahcun Voksa, Letphettoh le Neciaseh belte hi ka hrial pah tawn.

CCN : Tlangval ah na uarmi phun 3 in na ka chim kho hnga maw?. SHR : A holh tamtuk lomi a herh can te ah special in a holh khomi, mi dawt a thiammi le a herh lo tiang in ai capo lomi kha ka uar phun an si.

CCN : Social media facebook ah comment le post ahhin soisel na tong bal tawn maw? Na ton can ah zeitindah na um?  SHR : A cancan ahcun ka tong ve tawn ko. Soiselnak hi thinhunnak ah ka hmang lo. Nun remhnak tu ah ka hman.

CCN : Si le kan biaruahnak a dih pah ko cang. Kan biaruahnak a reltu hna sinah biacah na duh mi a um maw?  SHR : Aww ee, tu chun ni tiang dawtnak he thazang a ka pe i a ka dirkamh tu nan dihlak cung ah kai lawm tuk. Hmailei zong ah ka daw zungzal ko rih ko uh. Kai zuam chinchin rih lai. Nan thazaang peknak tampi ka herh ko. Kai lawm tuk. Bawipa nih thluachuah in pe dih ko hna seh.

CCN : A zeeee ka philh dengmang ko hi teh. A tu hi na lawng taktak maw?  SHR : Heeee ka lawng bak. Ka lawn tuknak ahhin lungrethei lei ka si cang 😂😂

CCN : Tu bantuk in nai manh lo tuk ko nain bairuahnak cantha na kan pek caah kan i lawm tuk.  SHR : Kei zong kai lawm tuk ve. Chin Celebrity News ( CCN ) nan riantaunnak ah tlamtlinnak hmu ko uh.

Chin Celebrity News ( CCN )
Biaruah tu : Andrew Tum Tling

Link hi click law a video a um lai. https://www.facebook.com/singerhlawnhlawn/videos/246415580041281

Credit : CCN