Tu Zaan Cu Lung A Leng Bak Si.

Covid 19 hrirai ruang ah kan duhmi zong tuah kho loin kan um. Leng hmanh ah chuak ngam lo in mi tampi cu mah inn cio ah kan um hna. Mah cacun lung a leng ngaingai. Kan hnu kum Myanmar Idol lio te hna kha ngaih a um kho taktak. A hleiin kan Laimi chungin Esther le Benjamin caah tiah thazaang kan rak chuah lio caan te hna mu. Ngaih a um ngaingai. Esther Audition round zuamnak hla a sak khawh bak in 3 yes a ngah lio te hna kha ngaih a um tuk hring hran ko. Hi vial te lunglen nak hi Covid 19 ruang ah a si ko. Mah cacun mi tampi a umhar mi le lungleng ngaingai mi zong nan um ve theo lai. Mah cacun Esther Dawt Chin Sung nih Audition round aa zuamnak video hi van zoh than cio tuah hna usih. Umhar pheng ah mu.

Video   https://www.youtube.com/watch?v=–D5fcsIo7E

Video Credit : Myanmar Idol

(Mah capar hi van rel chap) Pfizer sii company nih an chuahmi, Coronavirus khamhnak sii cu United Airline nih US ram pumpi phawtzawmh ding in an i thawh cang.

FDA nih hman dingah a cohlan le cangka suimilam 24 chungah a herh biknak tiah ruahmi hmunhma, sizung le tar zohkhenhnak hmun poah cu phakpi colh kan i zuam lai an ti. Phawtzamhnak rian hma a kal khawhnak dingah President Donald Trump nih a hlankan in federal guard pawl rian a phawt cang hna.

Cacawn nihnih ni khi PFizer nih FDA sin ah emergency caah hman ding in an halmi a si. FDA in a rannak in hman dingah a cohlan lai tiah zumh a si. Pfizer nih an serchuahmi vaccine cu zawrnak rungrul 95% a khamh khawh caah aho poah an i lawm cio. Hmaikum April thla ahcun US citizen vialte phawh dih an si lai tiah Dr.Fauci nih a chim.

Credit : Salai Lairamthang

(Mah capar hi van rel chap) Dr.Sasa thil tuah mi co zohchun awk a tlak kho taktak si, uar um law law. Laimi nih kan i bochan ngaingai mi Dr.Sasa nih kan ram caah a tha lo ngaingai mi hnawm(plastic,polythene,etc) tam taktak a char. Hi hi kan miphun le ram a dawt caah asi. Kan miphun le ram a dawtnak hi ka lawng in a si lo, a mah pumsa dih lak, lungthin dih lak in kan miphun le ram hi a dawt, cu cu a thil tuah mi ah hmuh khawh a di peng.

Hmanthlak kan van thlah mi pawl hi Dr.Sasa nih tuni a van share mi kan van share chin mi a si. Cu lawng siloin caption tha taktak mi zong a van chiah chih fawn. Mah ti hin a chim, “How can we make the world clean and green. Let us all do our part.” tiah kan vawlei a thian khawhnak hnga kan mah pawngkam i ummi hnawm hna cu thian cio hna usih tiah sawmnak a tuah.

A hmanthlak pawl hi van zoh ko ca. A chim lawng in a chim lo, miphun a dawtnak hi mit bak in hmuh khawh a si. “Va tuah u” ti loin “tuah hna usih” timi hi Dr.Sasa nih aa dirpi mi cu a si. Uar um law law khi asi. Bawipa nih umpi peng ko seh.

(Mah capar hi van rel chap) Laimi nih kan uar ngaingai mi Dr.Sasa khual tlawn nak hmanthlak pawl cu ttih a nung kho taktak. Hmanthlak ka van share mi pawl hi Dr.Sasa nih a van share mi pawl an si. Miphun le ram a dawt caah a nunnak tiang i pumpek in hi bantuk hmun ttihnung taktak ah khual a rak tlawng tawn hi a si. Uar um law law khi si. A khual tlawn nak pawl cu ttih a nung kho taktak.

 

Dr.Sasa nihcun mah ti hin a chim, “I don’t have to but I took too many risks for the last 13 years because of the love I have for my people and country.” tiah kum 13 chung a nunnak i pumpek in miphun le ram caah rian a rak ttuan nak kong cu a chim. A si hrim ko, Dr.Sasa rianttuan ning hmuh tikah uar lo awk hrim a tha bak lo. A hleiin mi sifak caah a sunglawi tuk hring hran.

Dr.Sasa khual tlawnnak pawl hi van zoh ve cio tuah u. Tih a nung kho taktak si. Zeitik caan paoh ah accident tong kho a si. Asinain miphun le ram a dawt caah hi bantuk vial te hi dawtnak thinglung he a rak tuah mi a si. Ca thiam ve si, lungput tha va si uar um kho taktak si. Bawipa nih a lam hruai peng ko seh.

Photo Credit : Dr.Sasa