Vawlei cung ah Fanu arum taktak mi top 10 billionaire heiresses hna riantuannak kong cu,

Vawlei cung ah mi cheukhat hna cu tangka hman cawk lo ngei in, nuam ngaingai in khua ansak lio ah, African ram chung ah cun ei/din ngei lo in nifatin rawltam in athi mi an tam ngai ngai fawn, mah lio ah atu mah Nu hna nih zei rian dah an tuan? Khawika tangka dah an ngei khawh timi le an rumnak thawngpang tete langhter asi lai.

Ivanka Trump

Kum 24 longte asirih mi Ivanka Trump hi billionaire Donald Trump fanu asi, University of Pennsylvania in Bachelor of Sciences with economics cu kum 2004 ah khan arak pass, Ivanka nih hin kum 16 asi in modelling hna arak tuah ve cang, atu ah hin Elite Model Management ah a um ve fawn, Kum 1997 ah khan Seventeen Cover Girl ah um in, mah kum thiamthiam ah khan Miss Teen USA ah host tu asi fawn, atu ah hin modelling ah active ngai in Tommy Hilfiger ca hna ah,Versace, Marc Bouwer, Thierry Mugler le Ssaoon Jeans hna caah modelling a tit awn fawn, Kum 2006 ah khan Stuff magazine cover girl arak si fawn cang, Ivanka Trump hi reality show The Apprentice hna ah arak lang, atu ah hin Real Estate Development ah Vice President rian atlai lio asi.

Paris Hilton

Hilton Hotel chain ngeitupa Conrad Hilton tune Paris Hilton hi, mino hna chung ah theih lo an um lai lo, zei poh ah a min athang ngai, thawngpang chia lei ah siseh, tha lei ah siseh arak lang dih ko, Paris Hilton hi hotel ngeitupa fanu asi, an hotel hi vawlei cung ah hotel lar ngai mi chung ah atel ve, tangka zong arak ngah ko lai timi cu afiang ko, Paris Hilton nih hin an chungkhar in Ro le share a ngeih mi zong atam ngai ko, amah hi khuasak ning atha tuk lem lo hmanh ah, tangka ngeih mi hi US$ 7 million tluk arak ngei asi, TV serial the Simple Life ah le music album hna zong atuah ve fawn, riantuan nana cu mi rum ah arak tel khawh ko.

Julia Louis Dreyfus

Kum 45 upa Julia Louis Dreyfus hi Judith Bowles le French mi rum ngai mi Gerard Louis Dreyfus hna fanu asi, Amah hi TV serial ah kan hmuh tawn Seinfeld ah khan ‘Elaine’ tiah min pu in a cang ve ko, TV serial lei ah mi tlamtling ngai mi asi, TV serial Seinfeld cu Emmy Award leh Golden Globe Award arak ngah cang, atu ah serial cannak thar bik The New Adventure of Old Christine ah acawlcang lio asi, Emmy Award an ngah lo hmanh ah nominees chung ah atel ve khawh.

Anna Anisimova

Kum 21 asi rih Anna Anisimova hi Russian Paris Hilton an ti tawn, Russia ram ah mi rum ngai mi metal lei ah sumdawng tu Vassily Anisimov fanu asi, Anna Anisimova nih hin US$ 350 million hrawng an ngeih tiah thei asi, Hamptons, USA ah in hlan man Anna nih hin US$ 600,000 adih cang, mah pin ah summer dincan ahman nak ah adih cang mi cu US$ 950,000 adih cang, Amah hi University of New York ah akal, A cawn chung ah hin modelling lei ah akal fawn, A pa sumdawnnak metal lei ah san tlai ngai mi asi, business deal hna zong ah akal thuk ngai mi asi.

Georgina Bloomberg

Georgina Bloomberg hi kum 23 asi, a pa hi New York Mayor riantuan lio asi, vawlei politician mirum hna chung ah atel ve, University of New York ah part time in acawn, atu ah Florida an in ah swimming/ti hleuh lei abuaipi lio, Amah hi ti hleuh thiam ngai mi asi, Beijing Olympics zong ah khan USA Equestrian team ah a tel ve khi asi, Rangcit hi nuam ati, North American Young Riders Championship ah vawi hnih Gold medal arak ngah cang, World Cup Championship zong ah, participant ngakchia bik arak si.

Amanda Hearst

Kum 22 asirih Amanda Hearst hi News paper chuah lei ah ei kawl mi chungkhar arum ngai mi asi, Amah hi siangin kal pah in modelling lei ah watana mi asi, Amah hi Hearst Publishing Empire rocotu ding asi, an rumnak hi US$ 5 billion ngeih asi an ti,An chungkhar hrimhrim hi mirum an si dih hna khi asi, Forbes nih vawlei mirum 500 an thimnak ah hin an mah chungkhar in minung 4 hi alang bak ko khi asi.

Lydia Hearst-Shaw

Lydia Hearst-Shaw hi Amanda Hearst cousin a si, kum 21 asirih ko, Amah hi Ford fashion model asi, A cousin Amanda bantuk in Hearst publishing house ah hin US$ 5 biliion roco ding ah angei, Louis Vuitton le Heatherette hna caah model piak tawn.

Nicky Hilton

Kum 22 asi Nicky Hilton hi Paris Hilton unau nu a si, Nicky Hilton zong nih hin Hilton Hotel Chain ah hin roco ding tangka tampi angei ve, Amah hi a ngakchiat lio in designing lei hi aduhnak asi, atu ah hin amah min in tuah mi clothing line Chick by Nicky Hilton hi asi, Nicky Hilton nih hin a u Paris Hilton nak in business lei ah akal deuh in alang, naite ah khan Chicago le Maimi ah Hotel tha ngai ngai atuah fawn, Nicky nih hin Australia ram ah angki lar ngai mi Antx Pantz cu model piak tawn, Simple Life timi TV serial ah khan Nicky hi sawm hmasa bik asi, a duh lo ruang ah Nicole Ritchie nih arak cang khi asi.

Aerin Lauder

Kum 36 upa asi amah hi rimtui le cosmetric lei ah lar ngai Estee Lauder tunu a si, A pa min cu Ronald Lauder a si, A pa hi Mizoram zong ah a lar ngai ngai mi, Clinique shampoo hna tuahtu pa ngeitu asi fawn, Aerin Lauder hi Senior Vice President asi, kum 2004 ah khan company board ah a tel ve, atu ah hin sumdawnnak lei bawm ding in fashion designer lar ngai mi Tom Ford le film star Gwyneth Paltrow hna he antuanti lio asi.

Dylan Lauren

Kum 31 a si Dylan Lauren hi fashion designer lar ngai ngai mi Ralph Lauren fanu asi, Amah hi a pa Ralph Lauren sumdawnnak le ro vialte hna cotu ding asi, Dylan Lauren hi Duke University ah cacawn tawn mi, Art History ah honours dih mi asi, Amah hi cathiam ngai mi asi fawn, Art lei ah akal fawn mi asi.