Vawlei cung ah News Media le News writer catialtu hna tlaih khihnak tambik cem pathumnak ah Kawlram arak sic ang, Share on WhatsApp
Share on WhatsApp
Vawlei pumpi an writer catialtu le News media hna zalongnak ngei lo le tlaih khih aton mi tambik cem ah Myanmar ram hi 3 nak ah a tel ve bak ko cang, 2021 December 27 ah, mah bantuk cases ngeihter nak Panel code N0-505 le hremnak fakpi inter pin ah kumthum thawngthlak asi mi writer catialtu Daw Tan Myint Aung media he iton lio ah arak chim mi asi fawn. Photo: Citizen Journalist.
Myanmar ram chung ah writers, scholars, and educators an tlaih mi hna hi minung 26 bak asi cang caah, vawlei pumpi ah Media pawl tlaih tambik cem pathumnak ram asi tiah, PEN America Group nih nihin ah atu bantuk in cathanh nak arak tuah khi asi, Ralhrang pawl nih nawlngeihnak an lak lio 2021 ah an tlaih tam bik cang asi, 2021 ah Myamar ram chung ah Media le writer an tlaih mi hi minung 8 an sic aah vawlei ah tambik cem 9nak ah arak um kha asi.
PEN America Group pawl nih cathanh an tuahnak ah writer hna nih zalong tein catial le chuah khawhnak ngei lo in a um tam bik cem ah cun, writers, scholars, and educators hna tlaih tambik cu China asi, mah bantuk minung 85 anrak tlaih khi asi caah vawlei pumpi ah media zalong lo ram le tlaih tambik ram pakhat nak arak si tiah news report ah langhter asi, Pahnihnak ah cun Saudi Arabia ram siin media le writer minung 29 tlaih cang in 2 nak asi, Myanmar nih 26 tlaih in 3 nak arak si tiah PEN America group nih atu bantuk in cathanh tuah nak ah an langhter mi asi.
Myanmar ram chung ah cun Military council nih nawl ngeihnak an lakh nu in atu bantuk in Media le writer pawl nih 2021 Feb 2 hnu ah faktuk in tlaih le khih anrak ton ngai ngai khi asi, Media writers, scholars, and educators hna zong nih tha thlah bak lo in hma an lak ve ko nain, ralhrang hna nih hriamnam he hrocer chih in an khamh hna long duh tawk bak lo in an tlaih hrem hnu ah thawng an thlak hna, tangka tampi an liamter fawn tiah theih asi, PEN America nih cathanh an tuah nak ah cun vawlei pumpi ah hin ram 36 hna cung ah media le writer hna an tlaih atong minung 277 an um tiah ati, 2021 kum chung ah tlaih atong minung 273 an um tiah fiang tein report ah langhter asi.