Vera A Sung Nain A Biachim Mi Cu A Tha Kho Tak Tak (Video). – Salai Kawltu

Vera A Sung Nain A Biachim Mi Cu A Tha Kho Tak Tak (Video).

Tu zaan ah Burmese Python nih Vera cu round 2 nak ah TKO bak in a tei, kan lawmhpi tuk hring hran ko. Mah lio ahcun a sungmi Vera nih a sungh bak i a biachim mi cu uar um kho taktak, a tha kho taktak. Upat awk a tlak tuk hring hran ko. A sungh bak in thazaang pe tu vialte le a mah huat tu vial te caah video tawite a zeih i, a biachim mi cu uar um kho taktak. Vera nihcun “a caan ahcun thil hi kan duh ning in a cang tawn loh i. A tu ah hin ka lung cu ai nuam bak lo asinain Aung La Nsang kan lawmhpi tuk hring hran, na phu bak si. Nan dih lak cung ah ka lawm tuk hring hran” tiah a chim. A video ah a biachim mi tling tein zoh khawh a si lai. A video cu a tanglei bik ah a um lai.

Vera biachim lio video na zoh hlan ah mah capar hi van rel ta rih. A video cu a tanglei bik ah a um ko lai.

Lai mi niH Aung La teinak a hmuh lio an zohnak video zong a tanglei bik ah a um ko lai. Laimi Aungla Teinak a hmuh lio video zohtu pawl cu an i nuam kho taktak, a lawmum tuk hringhran. Hi bantuk in Aung La nih teinak a hmuh tthan tik ah Laimi chung in lunglawm lomi kan um lai ka zum bak lo. Kan Aung La NSang hi uar um tuk hring hran ko.

Note : A video na zoh hlan ah teinak a hmuhnak kong hi van rel ta rih.

Tuni One Championship Final zoh cu a nuam hringhran. Aung La le Vera hrim hrim hi zoh an nuam kho tuk. Online le TV in vawleicung hmunzakip i a ummi hna nih an zoh. Aung La le Brandon Vera hna hi Light Heavyweight World Championship Title aa cuhmi an si. Aung la hi a san lei ah 185 cms a si i Brandon hi 191 cms a si ve. Title phun phun icuhnak a um i Lightweight, Welterweight, Bantamweight, Strawweight,Atomweight,Heavyweight pawl hi an i phomh cang hna. A tam deuh Title pawl hi Japan lawng te nih an lak rih. Heavyweight belte ah India pa Arjan Bhullar nih Round 3 ah Italy pa Mauro Cerilli cu Unanimous Decision in a tei ve.

Tutan  Light Heavyweight World Championship Belt Aung La nih Brandon Vera cu a tei caah a lak than. Winner a si than. Round 2 bak ah a tei.

 

Tutan ah Light Heavyweight World Championship cu 

 

 

 

Brandon Michael Vera hi American chuak Filipino thisa a kengmi a si. 2002 kum khan MMA le UFC ah aa phomh cang. Vera hi 2005 kum khan WEC Heavy Weight Grand Prix Champion a rak s. Atu zong ah One Championship Heavyweight champion bak asi.   Zahan naite khan Vera nih Aung la a hmuh ning cu hi ti hin a rak chim. ‘ Tih a nung tak takmi minung le vawleicung i aa toidor bikmi pa, Aung La he kan i phomh lai. Dirhmun sang ah caan tampi a pengmi pa a si. A thawng tak tak i thiam zong a thiam tak tak. Game kal ning cang zong a thei tak tak. Mah thir-kulh chung i thil umtu hi a theih tuk. Zei dah a lawh lai ti cu ka thei ve lo. Iphomhnak hi fiang tak tak in i tei bak a si lai i zei Round set ah dah a dih lai ti belte ka chim kho lo. Round 4 pin cu a sau ka zumh lo tiah fiang tein a chim.

Aung La Tuanbia tawi a thei lomi caah.

One Middleweight le Light Heavyweight World Champion asimi Aung La N Sang hi kawlram ah a chuakmi asi i 2003 i United States ah ai thial hlan, Yangon i sianginn a kai lio ah hin lentecelh nak lai hi a rak zuam ngaingaimi asi. US i ai thial hnu, Michigan um Andrews University ah Agriculture Science a cawn lio ah hin a tu i a rian hi cawnnak a rak tuah lengmang cang i Martial arts lei ah kar a hung hlang.

A sianginn kai ai liim in ramchung hmun dangdang a tlawng i mipeem zohkhenhnak rian a tuan. Asi nain cu a rian cu a chiah than I martial arts  lei ah a nun hmang ding in biachahnak a hun tuah than. Aung La N Sang nih a thiamnak hi 2005 ah khan a rak hman cang I I tlawmpal ah a thiamnak le thawnnak nih a min a hun thanter i “The Burmises Python” tiah minkeem tiang a hun ngeih hi asi. Hawi he ai phomh I a teinak a hmuhnak paoh hi zoh tik ah pahrawng a ngeih bakmi asi ti a lang lengmang.

One Championship ah hin 2014 ah min a rak thut i Aung La cu kum hnih a rauh hnu ah Kawlram ah a rak kir. Cu ka ahcun teinak a hmuh I miphun caah hero ah a hung cang. Asi nain Kawlram pumpu caah hero a hung  si a langhnak cu June 2017 khan ai thok ti khawh asi. Vitaly Bigdash a hun tei caah ONE Middleweight World Champion a hun co,  rampi caah teinak a kan hmuh piak an ti caah rammi zapi nih an thangthat.  2018 ah khan Alexandre Machado cu knockout in a hun phomh than I ONE Light Heavyweight World Championship a hun co than.

Source: One Championship.

A tang bak i video ka van thlah mi hi Aung La nih teinak a hmuh lio Laimi nih TV in an zoh lio a si. An i nuam kho taktak.

Video Credit : MC Kam Bik

A tanglei bik i video ka van thlah mi hi Vera nih a sungh bak i video tawite a zeih mi a si. A biachim mi cu a tha kho taktak.

Video Credit : Vera

Leave a Reply

Your email address will not be published. Required fields are marked *