Wow! Van Hlei Sung Hmanthlak Pawl Cu An Mak Ko.

Kan Lai hlasakthiam Van Hlei Sung hmanthlak thar pawl cu aa dawh kho taktak. A hmanthlak pawl cu zoh a nuam law law khi si. Hlasakthiam ve si, muidawh va si , uar um bak ko. A pumrua siseh a tha taktak fawn. A tanglei bik ah Mizo hla a sakmi zong ka van share chih. A hairstyle le a hnipuan tuah cu aa tlak kho taktak si. 

Kan Lainu hlasakthiam ngaingai simi nungak Van Hlei Sung hi New Zealand ah ummi a si. A mah hi muidawh le pumrua tha ngaingai mi a si fawn.

Dawh nan ti ve cio ko lo maw. Kan Lainu ahcun nu za bak asi. A mui le pumrua siseh mak law law, dawh law law khi si.

Wow ! a hnipuan tuah cu mak law law. Aa tlak kho taktak si. Kan Lainu hi a rak men lo. A hmanthlak pawl cu zoh an nuam kho taktak.

Laimi hlasakthiam kan ngeihmi hna lakah Van Hlei Sung hi zuun hlasak a thiam taktak mi asi. Kan unau Mizo hla zong a sa thiam kho taktak, a aw le Mizo hla hi ai tlak khun.

Photo Credit : Van Hlei Sung

Kan Lainu hlasakthiam ngaingai simi Esther Dawt Chin Sung cu Wikipedia bak nih a konglam a tial ve. Kan lawmhpi tuk hring hran ko. Hi bantuk in kan Lainu konglam Wikipedia ah rel ding a um ve tik ah lawmhpi lo awk hrim a tha bak lo. Laimi phun aa kan cawisang tu pakhat a si caah upat awk a tlak kho taktak. A tanglei ah tling deuh in van rel.

Wikipedia hi Laimi tampi nihcun kan theih men lai. Asinain a thei lomi kan um sual ah a tawinak in mah ti hin kan van hrilhfiah lai. Wikipedia cu cauk tha tha kan cawkmi kan rel tawn bantuk in online chungin cauk pakhat a si ve. A sullam cu Website ngan taktak mi asi ve. Cu lawng siloin zumh awk tlak ngaingai mi a si fawn. Ca cawng lio mi nihcun nan theih ngai lai, Wikipedia ah hin ca an cawn lio mi an theih thiam lo mi zong an zoh peng nak a si fawn. A fawi nak in chim ahcun cauk bantuk khi asi. August 2020 thla ah khan vawlei pumpuluk website minthang bik le lar bik 15 an thim mi lak ah ai tel ve fawn.

Wikipedia nih Esther Dawt Chin Sung konglam a tial mi cu a tawinak in tlawmpal kan van langhter lai. A tanglei bantuk hin an van tial.

Esther Dawt Chin Sung hi 20 February 1998 ah a chuak mi a si. Burmese hlasakthiam le songwriter asi. Myanmar Idol season 4 in a ram mipi nih an theih hngalh mi a si. Esther hi nu ah Myanmar Idol ngah hmasabik asi. Cu lawng siloin Esther nih hin kum 2017 ah khan Chin idol zong a rak ngah cangmi asi. Cun National Performing Arts Competition zong ah winner rak ngah cangmi a si.

Esther Dawt Chin sung hi Chin state khualipi Hakha khua ah chuak i tthang lian mi asi. Esther nih hin nau (pa pakhat) le nu pa2 a nei. Yangon University of Economics in Graduate mi asi.” tiah an tial. A konglam tampi an tial mi a um. Asinain kha vial kha a tawinak in kan van langhter. Kan Lainu Esther hi a men bak lo. Uar um law law khi si. Wikipedia tiang nih a konglam an tial tik ah uar lo awk hrim a tha lomi asi.

Source : Wikipedia