Zion Par Le A Hawile Nih Pathian Thangthat Nak Hla An Sakmi Cu An Thiam Law Law.
Zion Par le a hawile nih Pathian thangthat nak hla “VAWLEI IN VANCUNG TIANG KAN THANGTHAT DING MI JESUH KHRIH” an sakmi cu an thiam law law. UPC nungak le tlangval pawl hi an men bak hna lo. An thiam kho taktak si. A tang bak ah video a um lai i zoh khawh cio a si lai.
(Mah capar hi van rel chap) Laimi hi thih cuza loin cuap fahnak in athimi kan tlawm tilo. Cu caah zeitin dah kan khua le ram te ah a ummi kokek sii in kan i dam ter lai tihi kan theih ah abiapi tuk. Cun theihlawng a zalo kan tuah hrimhrim aherh tuk. Cuap fah hi vanchiat tuk dah tilo cun mipi nih ngeihmi asilo. A bik in kuak khu kan I dawp sual, kik nih a kan tleih sual nak khin aa thok tam deuhmi asi.
Khuak hi a zutu ca nak hmanh in a khu arak dawptumipi caah ttih anung deuh. Cu caah cuap fahnak, cancer tiang a chuak tawn. Kan cuap caah hin kuak lanwg siloin kan pawngkam khu tthalo siseh kuakkhu ruangah siseh a thurhnawm khu nih minung kan thawchuah nak kan cuap chung a luh tik ah kan cuap cu a ngandam kho lo. Cu nih cun cansaupi kan cuap cu thianghlim in a chia kho lo. A donghnak ah thihnak tiang achuak ttheo tawn.
Hi bantuk cuap zawtnak kan ngeih tikah attha bikmi cu tilum khu dawp piak, tisa dinpiak le exercise kan tuahpiak mi hna hi an si. A bik in Letphat hring hang khi attha tukmi asi. Lai ram zongah Letphat hring (Green Tea) hi atam pi ko cu cu tisa le putanan he na ciah piak hnu ah na din khawh chung poh din khawh izuam ko. Hi hi cuap caah khuaruah har in rian a ttuanmi kokek sii pakhat asi.
Cun theih ding pakhat asimi cu kuakzumi na si ii naa phiat kholo a si ahcun kuak kha I sum deuh. Cun na zuk dih in thingthei kha a sikhawh chung in na ei piak lai. Cu bantuk na tuah khawh ahcun cuap caah ttihnung tuk a si tilo, hnangam deuh asi cang. Cuap zawtnak angeimi na si ahcun thlithiang na dawp piak ah attha fawn.
Cu caah exercise kha caanhman tein na tuah piak lai, abik in zinglei ah tuah attha khun. Cu exercise na tuah nak nih thli tampi an pek ii na cuap caah rian ttha tampi attuan. Cu caah lente celh tiban tuk hi tuah khawh peng ko ah cun sii ai hman hau lo in a mah tein na cuap cu aa sersiam tthan lai. Green Tea kha tam piin din piak chih law exercise zong tuah chih philh hrimhrim hlah. Ngandam duh ahcun kan tuah zuamlo mi zong I hnek a hau. Ref:Health.com
Relchap: Nupi paohpaoh hi zumhawk a tlakmi le bohchan a tlakmi an si dihlo. Zumhtlak nupi an um bantuk in zumhtlaklo zong an rak um ve. Zumhawktlak nusalṭha timi cu Pathian sin in hmuhmi thluachuah sunglawi an si. A man in cawk khawhmi a si lo. Nupiṭha cu a va caah bochanawk a tlak. A duhmi nak in a herhmi kha a tuaktaan deuh zungzal.
Thil Pakhatkhat Tuah Aa Timh Paoh ah Nangmah An Chimh Hmasa Penglai: Nupi cheukhat cu vaa le theih lo thli tein rian ṭuan le thil tuah a hmang mi an um. Sinain nupiṭha nih cun thil hme in a ngan tiang nangmah hnatlaknak tello in zeithil hmanh a tuah lai lo. A lungchung ummi bia le aruahnak vialte na sin ah an chimh hmasa peng lai. Cucu a tuah tikah nu le va kar remlonak le sikvelhnak a tlawm ter. Na nupi kha va ngia law a thli tein thiltuah hmangmi a si ahcun mi vanchia ngai na si.
An Zahpi Lai lo: Minung timi cu a hohmanh tlamgtling mi kan um dih lo caah chanbau nak lawngte in a khat mi kan si. Cheukhat cu vanchiat ruangah pum tlamtlin lo ti bantuk hna khi a um sual tawn. Cucu mah duh mi a si lo. Zei bantuk mitcaw, hnachet, kebul te hmanh vasi ko law an daw taktak tu na nupi nih cun na sining dihlak he zahpi loin an cohlan peng kolai. Cheukhat nupi cu an va le hnachet mi hna an sicun milak ah i zah pi ti bantuk an hmang theo tawn hmanhsehlaw nupi tha nih cun cu bantuk thil cu zeitik hmanh ah atuah bal lo.
A Mah Sining Thei Bu Tein Aum Zungzal: Nupi tha nihcun a sining kha aa hngalh zungzal. Va a ngeih hnu ah cun a va le a va chungkhar caah tthitmi a si kha aa hngalh tikah a mah chungchuak unau le nupa bantuk tein a zohkhenh peng hna. Cun a mah chung le a va le chung karah thleidan nak pakhat hmanh a ngei lo. Mithmai thalo in a va kha a chawnbia fawn lo i upat bu tehe a biakchawnh zungzal. A nih cu va tangdoi ding ka si tikha aa theih caah a va chimhcak mipoh kha a zul.
Inn Chungkhar Ṭha Tein A Zohkhenh: Nupiṭha nih cun a innchungkhar kha Pathian lei ah a tthan ter i awhrang in a fa le va kha a chawnbia bal hna lo. An herhmi thilri kha tlamtling tein a zohkhenh ii a fa le zong mi mithmai khap loin an um bal lo. Chungkhar pumhnak a tuah pi hna i dawtnak in akhatmi chungkhar a serpi hna. Ref: CBS.com