A sunglawi tuk ee!!

A caah cun Mother’s Day sunglawi cem asi. Fa a pawi lioah Coronavirus a ngei i, a ni caan a phak hlanah nau ngeih ter asi. A fanu te he an i tong kho lo, asinain, Mother’s Day ah Coronavirus in a dam i, a fanu te he an i ton hmasa cemnak ni asi.

New Jesey i khua a saa mi nu Donna Molina cu Coronavirus in a dam caah a fanu te he Mother’s Day theng te ah an i tong kho.

Donna Molina hi fa a pawi lioah Coronavirus a ngei i, June thla tiangah nau ngeih a za rih lo. Asinain, a sining nih a pek lo caah April 2 ah pum hlainak (operation) in ngeih ter asi. Coronavirus a ngeih peng rih caah a fanu te he i tong kho loin an um. Coronavirus in a dam cang hnu zongah negative voihnih a si hlan lo a fanu te cu a hmu kho rih lo. Cutikah a dam taktak nii, aa hngahhlang ngaimi a fanu te a hmuh khawh caan cu Mother’s Day nii theng te ah khan a rak si. Kum 2020 Mother’s Day hi a nih ca ahcun a sunglawi khun in philhkhawh lo nii a si hrim lai, a fanu te he an i hmuh khawhnak nii asi caah.

Molina nih a fanu te cu a ngeih caan loah a ngei caah, a hmuh hmasat cem ahcun a kut te te le a ke hna cu a hme ngai i, khuaruahhar ngai asi tiah a chim. Cun, a fanu le amah nunnak a chanhtu siibawi te le a bawmtu vialte cungah lunglomhnak bia a chim fawn.

Sizung rianttuantu le a bawmtu vialte hna sinah aa lawm khun i, ttha tein an zohkhenh i, ICU room a um tiangah, a nunnak chanh dingin zeitik hmanhah ngol an i tiim lo. Cucaah a fanu te le amah nunnak cu an chanh khawh. Mother’s Day theng te ah ka fanu te he kan i hmu kho nak asi, ka lawm tuk ka caah cun Mother’s Day sunglawi cem asi, tiah a ti.

Source: Jason Duaine Hahn

 1,798 total views,  1 views today

Leave a Reply

Your email address will not be published. Required fields are marked *