Ha fah na ngei bal maw?

Na ngeih ahcun a damnak ding, inn i na tuah khawh mi hi tuah ve i zuam!!

Ha fah kan ngeih tikah a fawi cem i kan damter khawknak ding cu ci te ti le tilum cawh mi he kan ha kan i thlengh hin asi.

kan ha dut dut dut ti i a fak i, a tur thluahmah ahcun kan ha cu fah hram aa thok cang ti asi kho. Kan ha a phin tikah, kan ha chungin hmahnai a chuah tikah, kan ha a fah ruangah khuasik nih a kan tlak tikah cun kan ha chungin thi fakpi a chuah tikah le a kik mi maw a lum mi maw kan din tikah kan ha nih fahnak a kan pek ahcun ha lei sii bawi sinah kan i piah hrimhrim ding asi. Sii bawi sinah kan kal manh lo sual ahcun inn te ah kan tuah khawh mi a um i mah cu tuah colh ah a ttha cem.

Kan ha hi a fah khawhnak ruang a phunphun a um i, cu hna cu

Kan ha a kua mi/a awng mi a um ruangah asi kho, cu nihcun kan nifatin ei mi rawl pawl a thu cangmi pawl kha, cu chungah cun a lut i cu nihcun kan ha a seh ter i cuticun kan ha a fak kho.

Kan hani a fah tawn ruangah kan ha a fah ter khawh chih ve.

Kan ha kan i zohkhenh tthat lo i, a thut caah hmahnai tiang a chuak ruangah kan ha a fak kho fawn.

Kan hani chungah kan ha aa tap ruang zongah a fak kho.

Kan ha a fah tikah kan tuah ding mi cu

Ci te ti le ti lum  he kan ha i thlengh hi asi. Cuti kan tuah ahcun kan ha chung i a hrik a um tawnmi kha a thenh lai i, cu nihcun kan ha a phing ding mi le a fak ding mi kha a ven khawh i, a damter khawh.

Ci te ti le ti lum he kan ha i thengh ningcang cu hi ti hin asi lai

Hrai ah ti lum kan chiah lai i, ci te kha darkeu khat hrawng in kan peih lai. Ci te kha ti ah a can hlan lo kan cawh a hau, cun kan tuah dih hnuah kan kaa ah kan hmuam lai i a tlawmbik 20 in 30 secs asi ding asi, asinain a ti kha kan dolh lai lo. Cuti cun kan chaak lai i kan hmuam tthan lai, cun kan tuah tthan lengmang lai.

kan tuah tthan ding mi a dang hna cu

Ha ttaih dihah ha sii a tthami ha fak mi pawl ca i an tuahmi thuhpiak ah a ttha. Kan ha a fahnak zawn te ah khan thuhpiak ding asi. Nikhat ah vawihnih tuah hrimhrim ding asi cu nihcun a fak tuk ding mi le kan ha a fahnak pawng i a dang a fah ve tthan ti nak hnga lo kan thuh ahcun a ven khawh lai.

Source: Insider health

 142 total views,  1 views today

Leave a Reply

Your email address will not be published. Required fields are marked *