Hmai khuhnak (face mask) a hman ningcang kan thiam a herh!!

Mipi sin kan kal tikah kan hmai khuhnak (face mask) nih a kan luatter khawh ti kan zumh asi ahcun a poi tuk lai. Asinain, cu naak i a poi deuh mi cu, hmai khuhnak a hman ningcang kan thiam lo ah hin asi.

Coronavirus zawtnak a karh chinchinnak hnga lo, a vennak dingah puan in tuahmi hmaikhuhnak cu Centers for Disease Control and Prevention (CDC) nihcun hman khawh a sinak thawng a rak thanh bal cang. Cu thawng thanhnak cu mikip nih kan zulh cio i, atu tiangah surgical mask theng hmang tilo in puan in tuahmi hmaikhuhnak a hmang mi tampi kan um. Sihmanhselaw, kan hmai khuhnak lawng nih hin, hi virus chung hin mipi sin kan i chawhvah tikah a kan khamh khawh, a kan luatter khawh ti hi zum hna hlah usih. Cuti kan i zumh sual asi ahcun a poi tuk lai, asinain cu naak i a poi deuh mi cu, kan hmai khuhnak  a hman ningcang kan thiam lo ah hin asi. Kan hmai khuhnak lila kha kan kut kan i ttawl ta loin kan tongh sual ahcun a poi kho tuk.

Hi virus hi a karh chinnak hnga lo dingah kan i vennak tthabik cu kan kut thiang tein kan i ttawl hi asi, tiah Jay Woody, MD, Chief Medical Officer nihcun a chim. Kut thiang tein kan i ttawl peng ding asi ti cu a ho cio paoh nih kan theih dih cang lai. A biapi cemmi cu kan hmai khuhnak kan tongh hlan le kan phoih hnu ah kan kut kan i ttawl tthan hrimhrim a herh ti hi asi.

kan hmai khuhnak kan i phoih tikah kan kut nih kan hmai khuhnak a hmailei kha a tongh bak lo ding asi.  Virus a ngeimi he kan i chawnh tikah, virus kan ngeih khawhnak lam a fawi cemmi le a zumhum cemmi cu kan hmai khuhnak a hmailei kan tongh ah hin asi tiah Woody nihcun a chim fawn.

Cuti asi tikah kan hmai khuhnak a ningcang in kan hman lo ahcun, kan hmai kan i khuhnak kha pakpalawng men asi tinak asi. A hman ningcang taktak cu kan hnakhaw a orhlei le a kehlei ah a phoihnak, hri (loop) a ummi khan kan i phoih ding asi, a hmailei hmai khuhnak tongh bak loin. Cun, hman tthan a ngah ti lo mi hmai khuhnak ttawl ta loin kan hman tthan asiloah kan chiahnak a hmaan lo le kan kut thiang tein kan i ttawl tthan ti lo ahhin a ttihnung khun.

Kan hmai khuhnak kan hman hlanah le kan phoih tikah, midang le kanmah kan i vennak ding caah a ttha bik cu kan kut kan i ttawl peng kha asi ko. Asilo hmanhah hand sanitizer kha hman khawh peng i zuam hna usih. Cun kan hmai khuhnak zong mipi sin kan kal kipah tilum in kan ttawl peng ding asi ti philh hna hlah usih.

Source: Sarah Crow

 

 288 total views,  1 views today

Leave a Reply

Your email address will not be published. Required fields are marked *