Kum 25 ka si Nau vawihnih ka chiat cang, nau bawm/chul ka tawl cang, thla 5 chung kan iven cang naupuai cang ning law apawi lai maw???

Bia hal nak:-Kum 25 ka si, vawihnih nau ka chiat cang, ka naubawm/chhul akan tawl piak veve cang, Doctor nih thla 2 iven ding in akan tik hi asi, thla 5 chung kan iven cang, nau puaithan cang ning law naubawm/chul ca le keimah caah apawi khawh lai maw? Cun Nau puai ning law, nau ka puai tiah theih lo in, ivennak ei peng hi a pawi khawh lai maw?

Leh nak:- Na kum ruah ah cun nau puai khawh cu na si ko, Na nau chiat (abortion) hna cu, Nau na puai mi cu zeitik thla adah nau na chiat timi na chim lo, nain Medical history hi damlo zohkhennak lei ah biapi bik asi, Bia hal nak kan ngei ah cun tlamtling te in, mah le kan si ning kong hi fiangte in haltawn itim cang ulaw atha lai tiah nawl hmasak kan duh hna.

Nau na chiat nak chan hi theih ding arak biapi bak ko, Naupuai can chung hi thla thum in adang te in then asi, 1st, 2nd le 3rd Trimester tiin kan chim taw nasi,1st trimester za ah sawmsarih (70%) leng hi Chromosomal Anomalies ruang ah um tawn asi, a umzia cu ci/sperm akaih/tluk lo ti zong in kan chim fawn, mipa le Nu ci/sperm akaih lo ruang ah um tawn asi bik, 2nd Trimester abortion zong ah hin 20% hrawng cu chromosomal anomalies ruang ah hin a um fawn khi asi, Nau cu arak isiam ko nain, fel lo nak zei maw ruang ah tlamtling kho lo khi asi, nu lei fel lo nak um a um lo nain, nau hi achiat tawn mi asi.

A dang ah cun infection: – Hrik zei maw bik in naubawm/chul le ci/sperm kalnak lam, ci/nau bawm hna hi abuaiter ah hin nauchiat hi a um duh fawn, TB hi a chan common ngai mi chung ah a tel fawn, mah pin ah cun sex hman nak in akai khawh mi zawtnak nih hin aphanter khawh fawn, Cheu khat cu cibawm lam apitter khawh fawn, naunawm/chul chung bang asiam fel khawh lo hna, cibawm aphing ruang ah ci/sperm chuak khawh lo aphanter khawh fawn.

Nu nih zei maw zawtnak angeih ruang ah nau chiat a um peng tawn fawn, mah chung ah cun  zunthlum (diabetes), thyroid fel lo, Nu hormones lei fel lo nak hna, immune disease an timi (SLE bantuk hi) nu naubawm/chul dik lo zei maw ruang ah hna ah, nau chiat hi a um khawh fawn, Cheu khat nih cun naupuai ivennak Oral Contraceptive Pills (OCP) ei tuk ruang hna ah, a um khawh fawn, Nau vawi 2/3 arak chiat cang hna hi an chiat than peng duh fawn, nangmah zong vawi 2 na chiat cang ruang ah hin, ralrin deuh cu na herh ko lai.

Nau chiat hnu thla ruk chung ahnaupuai khawh than hi sadhu thah asi, a rau pohpoh ah hin naupuai khawhnak chance asang ko, cu bantuk in acung ah kan langhter cang bantuk in, nangmah ah nau chiat nak chance kha a sang tuk ti lo kha asi, Ivennak ei pah in naupuai hi nauchiat hi acan can ah a um ve, a chan cu oral pills hna hi 100% ven khawhan um lo ruang ah asi, Naupuai tiah theih lo in, Sii rak ei hna le Sii dang, a bik in antibiotic cheukhat nau chiat khawh lo Sii ei zong ahuam thiamthiam ko, Nu doctor nih bia tak tein assessment an tuah a herh tawn.

Biapi hmasa bik ah cun, Nan dirhmun theih fian hi asi, nau chiat chan ah cun cibawm/chul maw cibawm lei fel lo nak na ngei maw ngei lo ti bantuk hna theih a herh tuk mi asi, theih ding ah cun Ultrasound lak khawh ah cun atha ngai, blood sugar le thyroid function test tel fawn kha atha, Result ah fel lo a um ah cun, Nu Doctor pan cawlh kha atha bik, na kum ngakchia/no nasirih ko, A ning tein naupuai khawh ding ah ruah asi ko, Na theih lo in naupuai na si ah cun, ivennak na ei peng fawn ah cun thil a fel lo khawh, Nau napuai than khawh cu zum asi, ralrin deuh cu a herhte lai!!

Dr. Chawnglungmuan