Lufah hlan ah ralring te in um nih kan lufah a kham kho

World Health Organization nih a chim ning ahcun thla chiar te in  4 percent mino nih lufah hi an ngei a ti. Kan lu a fah cang ahcun kan dam ter kho zok zok lo. Nain lu fah kan neih hlanah kan i ralring awk theih ding tampi a um.  Ralring te in um hi zawt hnu  dam nak hmanh in a rak ttha deuh ti asi kha.  kan lu a fah hlan ah kan i ralring khawh ahcun lu fah nih hin a kan tlak kho lai lo. Cucaah thaizing ah kan lu a fah sual ding mi cu ni hin hrimhrim ah ralring te in tei khawh i zuam cio hna usih.

  • Kan taksa ruang te in kan chiah a hau

Pakhat khat kan ttuan tikah kan hngawng kha kan  cawl ter ve lengmang a hau. Computer hmai kan tthut ah maw, silo le phone hna tthut bu in kan tongh sual ahcun ding te in tthut bu in kan taksa kan chawl ter a hau.  kan mit hrimhrim zong nih thil kan zoh mi kha  neih tuk   lo  in kan zoh awk asi. Mah nihcun kan lu a fah ter caah kan i ralring thiam a biapi ngai.

  • Khual kan tlawn tikah  mah chantling ken i zuam peng usih

Mi tam deuh hna cu khual kan  tlawn tikah mah chantling i ken lem lo in kan it tawn. Mah nihcun rem te in a kan ih ter kho tawn lo i lufah awl te in kan ngei tawn. Cucaah mah chantling te  i ken cio ah lufah neih a  har khun.

 

  • Caan hman te in zei thil paoh tuah i zuam a herh

Kan exercise tuah ding mi asi maw, kan ih caan asi maw, zei thil paoh caan hman te in kan tuah  lo ahcun lu a fah ter kho ve. Kan tuah ding mi rian kha caan hman te i suai in  kan tuah kho lengmang ahcun lufah a um tuk kho lai lo.

  • Cim te in ih khawh a herh ngai

Kan ih tikah ih tuk cu si lo in  cim te in ih khawh kan i zuam a herh ngai. Kan ih tlawm tuk i kan mitku a cim lo ahcun kan lu a fah ter chin lai. Cucaah kan mitku cim khawh nak ding ah  nazi 8 chung ih kan i zuam a herh. Cu ti kan tuah khawh ahcun lufah a um lailo.

  • Ngandamnak caah ei le din biapi ah chiah a hau

Ngandamnak caah ei le din ttha ttha ei khawh ahcun kan lu a fak ding zong kha a ven khawh. Cucaah ei le din hi biapi ah chiah a hau kan rawl a ttam caan ah ei khawh ding ah zei dek i chiah peng a ttha. Cu pinah rawl ei lo in rawlttam in kan um awk asilo.

  • Ti tampi din kan i zuam a hau

Ti tampi kan din lo ahcun kan tha a um kho lo i tha ek bantuk in kan um kho. Mah nih cun lu hna a fah ter kho. Nain ti tampi kan din ahcun kan kan lufah ding kha a kham kho.

  •  Kan lungretheinak tei khawh kan i zuam a hau

Kan lungretheinak a tam tuk ahcun kan lu a fah ter kho. Kan lu fah lo nak ding ahcun exercise tampi kan lak a hau, kan thaw kan chuah ter a hau fawn. Kanmah kha tha dam tein um khawh kan i zuam a herh ngai.

Source: Everyday Health

 159 total views,  1 views today

Leave a Reply

Your email address will not be published. Required fields are marked *