Lungrethei peng mi na si sual maw? Tei khawhnak ding lam a um.

Kan cungah lungretheihnak a rak tlun tikah lungdong ngai in kan um tawn. kan hmailei caan a ra ding mi hmanh kha ruahchan ding ngei kho tilo in, zei poah hi a ttha kho pek lai lo tiin lungdong ngai in kan ruat ttheu tawn. Ruah lawng silo in kan lungretheihnak vialte zong hi a dih kho bal lailo, a um peng rih ko lai tiah kan lungdong tuk caah a ttha lei in kan hmu kho tawn bal lo. kan lungretheih tuk lio caan- ruahchan ding zong kan ngei kho tilo, kan thinlung a tha bat lio caan, zei hmanh tthathnemnak kan ngei tilo kan ti lio caan te ah hin Zei bantukin dah kan um awk asi hnga?

kan lungretheih lio caan ah a biapi cem ah kan chiah  awk asi mi cu kan caan ttha te in hman thiam a herh ngai. Kan mah zong kha ngandam te in kan i zohkhenh thiam a herh tuk fawn. Thinglung, ruahnak  le kan thlarau lei tiang in kan tthawng a herh ngai.  Kan tuah kho ahcun kan lungretheihnak le lungdonghnak vialte cu duhsah te te in kan philh kho lai.  kan thilruah mi a ttha lo mi hna zong kha a ttha lei  leng mang in a ruah zia kan thiam thluah mah cang lai. Mah nih cun  lungdonghnak le lungretheinak in damnak a kan chuahpi kho cang lai. A tang i zulh ding mi hna hi ttha te in  a dih lak in kan zulh khawh ahcun Kan caah damnak si ttha bik asi kho lai.

  • Exercise hman te in lak kan i zuam a herh. Cun  kan ei mi ti rawl zong kha ngandamnak a kan pe kho tu an si maw ti ruat bu in kan ei a herh fawn.
  • Mitku cim te in ih kan i zuam a herh.
  • Tinh mi kan ngei peng lai. Kan tinh mi kha ttha te in  tuah khawh kan i zuam lai.
  • Thil hme te asi zong ah tinh mi ngeih kan i zuam peng lai. A thei par zun ding in kan i zuam peng fawn lai.
  • Kan i tinh mi kha tlamtling kho ding in kan ih lai paoh ah ruat peng hna usih. Mah nih cun kan tuah ding a kan fian ter chin leng mang lai.
  • Hla sak kan ngai lai, asi lo ah movie hna zoh khawh kan i zuam lai. Cu nihcun lawmhnak le hnangamnak a kan pe kho deuh lai.
  • Thil pakhat khat tuah in kan i  buai ter ding asi.  Cu nihcun kan lungretheinak kha a philh ter deuh lai.
  • kan lungrethei lio ah kanmah te lawng in kan  um peng awk asi lo. Midang he  um tti khawh peng kan i zuam a herh. Kan um kho lo hmanh ah leng ah chuak in dawr hna ah kal khawh i zuam usih.
  • Dai te in khuaruah kan i zuam lai. Cu nihcun thinlung taksa hnangamnak a kan pe lai.

 193 total views,  1 views today

Leave a Reply

Your email address will not be published. Required fields are marked *