Nu hna nih zei tin dah atanglei an thilri hi tha tein ‘V.V’ thiang tein an ven khawh lai??

Spectrum Healthcare, Mumbai-lei ah Nu-lei kong ah thiam bik Dr. Sudha Marwah nih, Nu hna nih hin an ‘thilri’ le apawngkam hna zohkhen ding le hman ding ah tuah mi, thil man fak taktak mi an hman tawn mi hna hi atha taktak maw? asi lo ah aman he a kaih maw? tite hna hi atu tan Nu hna nih an theih ding ah tiah tarlan asi.

Make-up tuah bantuk hna hi a him maw?

Khuathlanglei ram tampi hna ah cun, aphun phun in make-up tuah hna khi a hmang tawn ko, Nu hna nih mah pumpak/personal thil asi tiah duh poh in atanglei an thilri tiang hi, make-up an tuah ngai ngai ko cang khi asi, cu long si lo in thil zei maw hna khi alang dawh ding ah tiah fit/behter khi asi, sui/gold hna behter asi mi zong an tam ngai cang.

Mah hi Brazilian wax an timi, thil vate tlaihnak ah kan hman tawn mi hmawngthing hnai in tuah mi ‘sawi’ bantuk hna khi, an thilri pawngkam hmul ah beh/carter hnu ah, fak nawn in an dawh tik ah a hmul cawrnak tiang a phoih khawh dih khi asi, cu bantuk thil hna cu an kalpi ko tiah, Dr Sudha nih, “Thilri le apawngkam fai/thiangter nak ah thil an hman mi cu, Nu tampi hna caah harsatnak phantertu asi, taksa vun sensitive caah cun buainak lian bik atling cang.

“Cu pin ah um nuam lonak le thil dang effect a ngeihter khawh fawn, taksa thak le vun ngandam lonak aphanter khawh fawn,  cu long si lo in kan hawi or kan Nupi pasal ngeih cang mi hna caah thil poi ngai phanter khawh asi pin ah, a him lo ngai ngai khi asi tiah ati.

Thilri hmul met fai hi a poi maw?

Mah hi thilri hmul fai ternak caah hman mi alar ngai tawn mi asi, Nu tampi nih an kalpi cuah mah lio zong asi, Shaving (met fai) hi a fawi ngai bantuk in alang ko hmanh ah, aman afak ngai fawn ko, cu bantuk thil tuah mi hna nih harsatnak an ngei tawn cu, taksa thak le vun zawtna phun phun aphanter khawh, um nuam lonak tiang lungthin dik lonak tiang phantertu asi.

Zei maw ruang ah hliamhma ngeih sual ah cun, infection um khawh in, bacteria zawtnak hrik hna zong a lut khawh fawn, Hliam hma ngei a um ah cun, infection a um khawh caah ralrin awk ngai ngai herh thil asi.

Coloring tuah hi a poi maw? Zeitin dah asi lai?

Dr. Sudha nih, “Thilri vun hi lu vun nak in a let 10 in a pan deuh khi asi, cu lio ah zei maw tiin make-up tuah mi hna hi a him lo ngai pin ah, cheu khat nih color dang dang dye/hnawih asi mi nih hin, ngandam lonak le thil poi tuk phantertu asi, “Thilri hmul an dye ah hin, thilri dam lonak phanter asi pin ah, thil rimchia a chuak, afak tawn, a sen phing bantuk in a um, mah hna cu an tuar ning asi ati.

Thil dang he make-up hnawih hi a poi maw?

Shaving le waxing hna ruang ah hin thilri hi a nak ngai ngai tawn fawn, a umnak apawngkam hrawng ah hin, hnawih le langsar ter deuh duh ruang ah, cheu khat nih cun bleaching an kalpi tawn, Cu lio ah an thil hman mi ah hin, chemical tih a nung mi hna zong a um khawh, cu nih cun vun-ah harsatnak phunphun phanter in lin/sa huamhuam in an tuar khawh fawn.

Cu ruang ah mah nawl he thil hna hman hi a him lo ngai ngai, nan duh tlat asi ah cun mithiam hna sin ah thil sining tein chim hmasa ta law, nan thil tuah ding mi cu a ham deuh ko lai.

Nu thilri le apawngkam fai/thiangternak ah tuah hmanrua hi a him maw?

Hi bantuk thil ah hin chemical hi atlawm le atam ti phun in a um deuh dih khi asi, cu nih cun Nu thliri ah um pH balance cu a chiatter khawh, thak sep sep le infection tiang aphanter khawh.

Medical concept of Asian beautiful female doctor in white coat with stethoscope, waist up. Medical student. Woman hospital worker looking at camera and smiling. Covid-19 pandemic.

A donghnak bik ah Dr. Sudha nih a chim ning ah cun, “A tha bik ding ah cun ah acan te ah thiangte in ikhawlh nak ngei hi biapi bik asi, hnipuan le angki ti bantuk hna hi tiangtein aih tawn hi biapi fawn, hnipuan tight tuk le can sau ngai aih lo ding hi biapi fawn tiah Atu bantuk in Dr. Sudha nih a chim.