Thawchuah aa harh mi caah:  Sii ei hau lo te in cuap vitamin phunphun ei ding a um

Kan cuap hi kan thawchuah khawhnak ding ahcun a biapi ngai mi pakhat si. Cuap nih  thlichia tampi a dawp tikah kan cuap cu a ngandam taktak kho ballo. Cu bantuk tthiam in kuak a zu mi kan si ahcun thawchuah a har ter i kan cuap  a ttha kholo. Cu ruangah thawchuah aa harh mi hna caah cuap vitamin a phunphun ei ding a um. Cuap thazang caah ei khawh cio i zuam hna usih.

World Health Organization nih a chim ning ahcun 235 million mipi nih Asthma an nei a ti,   an dawp  mi thli a tthat lo ruangah ti aa fiang ngai. Cucaah kan cuap  angandam bak seh ti kan duh  ahcun kan ei din mi kan thim thiam a herh ngai lai. Cu nihcun kan cuap a ngandam ter lai i thazang a neih ter  pinah  kan thawchuah zong a tthat ter fawn lai.  Kan cuap vitamin caah a tang kan tial mi hi ttha te in zulh khawh i zuam cio hna usih

Apple

Kan ei ahcun kan cuap a tthawn ter. Asthma nei mi ca lebang ahcun ei bak ding asi.

Olive oil

Taksa caah a ttha bak mi asi. Sam, vun le cuap caah  a hlei in a tthat ter.  Cuap  tha a der mi zong kha a tthawn ter chih.

Nga thau

Nga thau zong hi cuap thazang petu  pakhat asi. kan cuap ah zawtnak hrik thalo um kho mi vialte zong kha a that kho. Cucaah cuap vitamin caah cun nga thau  hi Doctor nih an kan duh pi cem mi asi.

Phan (a sa)

Phan din zong hi a rak biapi ngai. Kan din tikah kan taksa kha a daih ter i kan pawpi vialte tiang in thiang te in a ttawl dih.   Hromfah  nei mi ca zong ah  a ttha.  Cuap thazang  der ruangah  zawtnak a chuak kho mi a ven khawh fawn.

Mai mu (seeds)

Mai mu zong hi cuap thazang a tthawn ter ngai. Asthma le Cancer nei lebang caah cun ei bak ding mi asi. Thawchuah zong a nawmh ter khawh.

An hring

An hring  ei nih cuap caah ngandamnak a pe kho. Cancer zawtnak tiang hmanh in a khamh khawh.

Thingthei phunphun

Thimgthei phunphun kan ei khawh a  herh ngai. Thingthei zong ah lingmaw tehna,  tinbawti (papaya) tehna  hi cuap  thazang petu asi caah kan ei tam a herh ngai. Thei kan ei tikah  Vitamin C kan taksa nih a kan pe kho tu kan  kawl thiam a biapi fawn.

Daidim

Daidim hi cuap caah  ngandamnak petu  si ttha asi. Khuh ca zongah a ttha mi asi. Kuakzu lebang hna caah cun cuap cancer fawi  te in  neih khawh asi caah  ei  a herh ngai.

 

 120 total views,  1 views today

Leave a Reply

Your email address will not be published. Required fields are marked *