US Lainu Nurse Katie Nih Antibiotics Kong A Chim Mi Cu A Tha Kho Tak Tak.

Antibiotics kong hi tampi ai fiangmi nan um lai, ai fiang lo zong nan um lai. Antibiotics cu phun tampi a um. An hmannak pawl an i dang dih cio.

Antibiotics cu zei bantuk caah dah kan hman? – Bacterial infections a ngeimi caah kan hman tawn.- Bacteria hi kan pum caah a tha mi le a tha lomi an um ve. A tam deuh mi cu a tha mi an si. – Bacteria cu a nungmi a si ve, mit in hmuh khawhmi thil a si lo.

Antibiotics cu viral infections caah hmanmi an si lo. Viral infections cu zeidah a si?- Viral infections pawl cu: khuh khuh(colds) , hnapditlak (runny nose), hrawmfah(sore throat), flu, tangfah (bronchitis) ti bantuk hna hi an si.

– Virus cu zawtnak rungrul hme te, a thawng ngaimi a si. Ā Antibiotics an kan pek tik ah tuah ding le tuah lo ding:
1. Kan doctor te hal hmasa ding (antibiotics an in pek hna hlan ah, zeibantuk bacteria dah nan ngeih timi zoh bu tein sii pek asi.) Mah nawl in din lo ding.

2. Nan doctors te nih mah ti hin nan dih lai an in ti hna ning tein din a herh tuk.

3. Nan doctors te nih an in pek mi hna sii mu a dih hlan lo din ding (ka dam deuh cang ko tiah mah nawl in ngol lo ding.)

4. Nangmah sii an in pek mi kha, Na chung le an dam lo sual zongah pek lo ding. Cun Nangmah zong nih Na chung le sii din piak lo ding. I hrawm bak lo ding a si. Antibiotics a herh lo in kan Mah nawl Kan din tikah, kan pum caah that lonak tampi a chuah pi khawh. Mah cu thaizing lei ah ka van tial than te lai.

Note: Nan theih cia a si kho men, a thei lomi zong um khawh a si fawn. A thei lomi caah zawnruahnak he tialmi a si. Kai lawm. šŸ˜Š Ref: CDC; Mayoclinic; healthline