US Lainu Nurse Katie Nih Covid 19 Sii Aa Chunh Dingmi Nih Theih Awk Hrim Hrim Simi A Van Phuan Cang.

US Kan Lainu nurse Katie Van Zi nih Covid 19 sii aa chunh dingmi nih theih awk hrim hrim simi a van share cang. Hi capar hi Chin Nurses Association nih Lai holh tein an leh mi a si. Mirang ca a thiam lomi caah hi bantuk in Lai holh tein an van lehnak a ruang bik cu a si. A tang bak hmanthlak kan van thlah mi hi tha tein van rel.

Tha tein rel khawh izuam. A tha kho tak tak a thil tuahmi hi.

Hi kong he pehtlaiin Chin Nurses Association nih mah ti hin thawngthanhnak an tuah, “Covid-19 vaccines kong theihtlei mirang ca a theithiam lomi tete caah, laiholh in kan thiam khawh chungin kan rak leh. Like le share in rak kan bawm ve uh.” tiah thawngthanhnak an tuah.Credit : Chin Nurses Association

Relchap:US Khualtlawng Dingmi nih Theih Hrim Hrim awk Biden nih Thawng a Thanh

US Tlawng Dingmi Nih Covid-19 Test Tuah Ding :Tuchun ah White House Press Secretary Jen Psaki nih White House ah Press Conference a tuah i, thaizing thawk in US ah a rak lut dingmi paoh nih Covid-19 negative test tuahmi result nan i ken dih lai tiah a chim. US kalnak vanlawng chung luh hlan nithum a duh ah negative test nak tuahmi result a si lai ti a si.US ah covid-19 zawtnak a zual chin caah atu bantuk in khen khamnak le visa renghnak an tuahmi a si. UK, Europe le Brazil ram ah khual tlawn le luhchuah zong kham rih a si lai. South Africa zong a thar in President Biden nih khualtlawn luchuh kham dingah a timhmi chungah a tel. South Africa ah hin Coronavirus in a sem chinmi, Coronavirus zawtnak phundang an hmuh chap caah atu bantuk visa le luhchuahnak rengh an timhnak cu a si. Brazil, Ireland, UK, European ram cheukhat le South Africa in US Citizen a si lomi poah luh khawh a si rih lai lo. Cucaah Kawlram in US a luh dingmi paoh nih vanlawng nan I cit hlan nithum lawng a duhmi Covid-19 negative test result nan I khen hrimhrim lai. Nan I ken lo ahcun vanlawng ah luhter nan si lai lo. Source: Salai Lairamthang