Zunthlum zawtnak a ngei mi na si ahcun na ei ding le ei lo ding pawl i fiang cang!!

WHO nih an chim ning ahcun vawleicung ah 400 million leng nihhin zunthlum (diabetes) zawtnak hi an ngei ti hmuh asi. Cun zunthlum zawtnak hi ttha tein i thlopbul lo ahcun zawtnak dang a phunphun a chuak kho mi asi. Cu hna cu lung zawtnak (heart disease) te hna, kal rawhnak (kidney damage) te hna, thahri rawhnak (nerve damage) te hna le thihnak tiang hmanh phakter khotu zawtnak asi. Sihmanhsehlaw, ei le din ttha tein i zohkhenh le taksa phak ning zatin cawlcangh ahcun ven khawh mi asi fawn.

A tanglei kan ttial mi ahhin zunthlum zawtnak a ngei mi nih an ei ding le ei lo ding pawl an si lai.

  • Thanthling rang (sugar) le sawda (soda) aa tel mi theihang paoh paoh din lo ding
  • Tii (water) tampi din ding
  • Arti (egg) ei khawh asi
  • Chhiti (oil) a tammi paohpaoh cu hrial dih ding
  • Thingthei ei tam ding
  • Facang te hna, changreu (bread) te hna ei lo ding

  • Oat changvut (oatmeal) ei khawh asi
  • Khazianchinti (tomato) ei khawh asi
  • Alu kiau mi ei lo ding
  • Zu din lo ding
  • Mai (squash) ei khawh asi
  • Tisik anhnah in tuahmi theihang pawl din ding
  • khuaihliti hrial ding
  • Thawhpat thei (avocado) ei khawh asi
  • Sa emmi hrial ding
  • Nga sa ei khawh asi
  • Ci te alh tuk mi meh pawl hrial dih ding
  • Thakhling ei khawh asi
  • Ice cream ei lo ding
  • Aithing ei khawh asi
  • Saupi a kik in khaltermi sa pawl ei lo ding
  • Apple thingthei ei khawh asi
  • Thingthei saupi i caar mi pawl ei lo ding
  • Kawng chung i mu a ngeimi pawl , be te hna pet e hna ei ding
  • Thazang tthawnnak (energy drinks) ding ca i dinmi pawl hrial ding
  • Daidim ei tam ding
  • Khohsuai dawr i saupi tuahcia i chiah mi pawl ei lo ding
  • Changvut (whole milk) in tuahmi cawhnuk din lo ding
  • A thlum ngai i a bangmi zeihmanh ei lo ding

Ei le ei lo ding tampi a ummi lakah tlawmte lawng kan van langhter mi asi I, zunthlum zawtnak a ngei mi paoh nihcun zulh khawh cio i zuam hna usih.

Source: Espresso Health

 

 

Leave a Reply

Your email address will not be published. Required fields are marked *