Ṭanh bik mi kan ngei cio, Na Ṭanh lo deuh mi Esther a va si zongah ti hin rak ti ti hlah. (Ttha bak e) – Salai Kawltu

Ṭanh bik mi kan ngei cio, Na Ṭanh lo deuh mi Esther a va si zongah ti hin rak ti ti hlah. (Ttha bak e)

Tukum-2019 – Myanmar Idol Season-4 – i zuamnak i, Top-10- a tling mi hna cu an za tein an ṭha tuk hna, a bik in, kan miphun Chinmi hna pathum a tling ve mi hna hi, Chinmi hna nih cun a hleice in kan i uang khun ciau hna lai ti ka zumh.

Related image

Miphun dang hna lak ah cun kan miphun a si mi cu kan ṭanh deuh dih ciau fawn hna lai ti zong, chim tam hau loin a fiang tuk mi a si, Chinmi hna chungin Top-10- ah Minung pathum bak an tlin ve tik ah, an pathum in kan miphun si ko hna hmanh seh law, an pathum chungah hin Chin mipi hna zong nih ṭanh bik mi cu kan rak ngei ciau ko hna lai ti zong, 100%100 zumh bak mi a si fawn, kei zong nih an pathum in ka ṭanh dih ko hna buin ṭanh bik mi cu ka ngei ve ko, Minung phung a si ko. Asinain na tanh lo deuh mi Esther a va si zongah Benjamin a va si zong ah Yaw kee a va si zong ah va soisel piak hna hlah soisel piak nak nih khan i sik i al nak a chuah pi.

Image result for benjamin sum yaw kee estherdawt chinsung

Amahbelte cu, ṭanh bik mi kan ngeih ko zongah kan ṭanh lo deuh mi hna kha, Soisel nak holh kaa he, cu e kha e ti lo tein, kan ṭanh bik mi kha kan thinlung chung tein ṭanh ko hna u sih law, kan ṭanh bik mi nih Winner a ngah lo zongah an pathum chungah pakhat tal nih Winner a ngah khawh ah cun a ṭha tuk mi le kan i lawmhtuk ding zong a si ko, cu caah cun, an pathum chungah pakhat tal nih Winner an ngah khawh nak dingah kan umnak hmun ciau in, Vote le thlacamnak he tu, rak bawm lengmang ko hna u sih. Thangtea Hnialum

(Teinak Cu Bawipa Ta A Si)

Credit: ElvitKP 

Thawngpang dang relchap rih >>>>

Kawl Ralkap Nih NLD Hruaitu Daw Aung San Suh Kyi Cu Lih An Chimter Ti Khawh A Si

NLD cozah nih tuchun ni tiang Ramchungah tuah a tinhmi a tlamtlinh khawhlo mi hi zei ruangah dah a si ti hi na ruat ve bal maw?a ruang cu NLD cozah thil ti khawh mi nak in Kawl ralkap thil an ti kho deuh.cucu Kawl ralkap tangah NLD cu a um ti nak kha a fiang.Cun,kawl ralkap nih biachahnak a tuah cangmi cu NLD nih a al kho ti lo.Kawlram cu ralkap uk nak in a tu tiang a kal mi kan si caah Gen.Min Aung Hlaing a pianthar hlan chung paoh cu DASSK le NLD cozah nih cun zei hmanh an ti khawh lo ding kha a fiang ngaingai.

Cun,kawl ralkap hna nih cun Kawlram rampi chungah i kah dohnak le pakhat le karlak ah fuk tuk in hriamnam kan hman mi hi a ngaingai tiah cun kan mah Ralkap nawlngeihnak in zei thil hmanh kan tuah mi a um loh,Rampi President nih tuah uh a kan ti ning paoh in Ralkap nih cun kan tuah/t’uanmi an si tiah an chim.

Asiah cun ramchung i kah dohnak konghe pehtlai in Rampi President nawlpek nak in ralkap nih an tuahmi a si ah cun zei tin dah NLD nih cun remdaihnak cu an tuah khawh reng hnga mu.NLD nih ramchung kahdaihnak a ser khawh nak ding caah cun ralkap nih an nawlngeihnak khi an lak piakta hna a herh lai.asinain NLD nih cuthil cu an theih tuk ko na in an ngamh ve lo mi a si pin ah Tlangcung party vialte hna zong nih an theih tuk ve ko na in an ngamhlo mi a si.

Nai teah NCA minsen an thut in a kum 4 tlin nak caamtuak an tuah nak ah Daw Aung San Suh Kyi nih ramchung i tuk kah nak konghe pehtlai in a rak chim mi cu,NLD nih hin ram chung i tuk /kah nak kongah Kawl ralkap cu kan mah duh paoh in nawl kan pe kho hna lo tiah fiang tein a rak chim.asinain tuchun ah Kawl ralkap lei nih an chim mi cu,Rakhine ramkulh chungah a um mi ralhrang hna tuk nak ding caah raltuknak vanlawng hna le hriamnam dangdang hmang dingin NLD Cozah le ruah nak petu Suh Kyi hna nih nawl an kan pek tiah ralkap nih an chim diam rih na in NLD nih ka ti lo,ka chim lo tiah Kaa khat hmanh a chim loh tiah theih a si.

Leave a Reply

Your email address will not be published. Required fields are marked *