A hlan lio kanpi kanpu hna san lio thawngin/jail an ngei lo nawl ngeitu acoyah a umrih lo lio ah misual anrak hrem ning le an thil hman mi hna cu,

A hlan lio kanpi kanpu hna san lio thawngin/jail an ngei lo nawl ngeitu acoyah a umrih lo lio ah misual anrak hrem ning le an thil hman mi hna cu,

A hlan lio kanpi kanpu hna san lio thawngin/jail an ngei lo nawl ngeitu acoyah a umrih lo lio ah misual anrak hrem ning le an thil hman mi hna cu, hi bantuk an thil tuah mi he hremnak an pek tawn khi asi, vawi khat hrem an ton cang ah cun, sual ngaisih cawlh in a ho hmanh nih an sual nawlh ngam ti lo bak khi asi, misual cu mi tha ah arak chuak pin ah mi dang caah mi san tlai ngai ngai khi arak sit awn tiah chim asi.

Misual an hremnak hmanrua an tuah mi hi phun 8 bak an tuah, sualnak tampi a ngeih cang mi an um ah cun, thah ding tiang hremnak pek an si, thih tiang an hrem mi hna cu vawikhat ah thih ter lo in, duhsa duhsa tein hi an hmanrua tuah mi vialte ah hin, hrem dih asi hnu long long ah adonghnak bik, thihternak cu mei alin tuk mi ah hin, chiah in duhsa tein a nunnak aliam tawn khi asi, arak rapthlak ngai ko.

An thah hlan ah hin bia pakhat an hal cu bia an hal mi cu, zei bantuk phun in dah thah na duh? Tiah thimter phawt asi, mah hnu ah cun amah thim ning bantuk tein anrak thah tawn khi asi fawn, thihnak tiang sual a ngei lo mi hna cu, vawi khat atambik ah vawihnih hrem aton mi hna hi zei tik hmanh ah sual tuah nawlh hi an duh hrimhrim ti lo, Cun misual an hrem lio ah mi dang zong nih an hrem ning an hmuh ah cun, thil sual tuahnak lungput aho hmanh nih an ngei ti lo tiah chim asi fawn.

Tu san ah cun kha bantuk hremnak kha a um ti lo pin ah, vawlei ram tampi hi Democracy uknak phung in mi tampi an hruai cang caah, an thil sual tuah ning in thawng chung ah kum 1-30 tiang tibantuk in case an tuah piak khi asi cang, thih tiang hremnak pek hi atamtuk lem ti lo, mi tampi a thah cang mi le vawi tampi thawng chung in a luat cang mi nih sual an tuah nawlh ah cun, thih tiang hremnak pek cauh khi asi, tahchun nak ah Sadam husein Iraq president US nih thih tiang hremnak an pek khi asi.

A tu ah cun vawlei cung ah hin thawngin hi tamtuk a um ko cang caah, thawngin ah an thlak ko hmanh ah, ngamdamnak lei atha le tha lo an check up peng, ei le din thawng atlak chung vialte ah free in an pek fawn, kum hnih khat maw an case a dih ah cun, an chuahter than khi asi ko cu mu! Vawlei can hi a can ning tein thil hi adanglam vetawn, minung fimnak zong kum khat hnu kum khat asang chinchin fawn tik ah, dan le dun hi tampi an ser fawn hna cang ko nain, sualnak hi atam chinchin, mi thah hmang atam chinchin, sualnak zong hi a phun arak tam chinchin khi asi.

Hlan lio kanpi kanpu hna hremnak phun hi hmangtha siselaw? Sual hi a tlawm deuh bak ko lai e, atu ah cun vawi tampi thawng an tlak cang zong ah, sual ngaisih timi hi a um bal lo hrimhrim hi asi, mi fim atam, sualnak a tam, misual atam, mi thah hmang atam, mi fir atam, mihrut a tam, a hlan lio kanpi kan pu khuasak ning le bia ngai ning, an lung athiang ning hna, zoh ah hin tu san minung hna nih kan phak kho lo hrimhrim asi ko e.

xxx

xxx