A Hmaan Lomi Dawtnak 5



Nghatchan Dawtnak: Ipehtlaihnak a ngeitu pahnih nih pakhat le pakhat karlak ah dawtnak an ngei lo, ruahnak lungthin sawhsawh in caan an kalpi, pakhat le pakhat ah i nghatchannak an ngeih caah tthanchohnak an karlak ah a um kho lo.

Romantic dawtnak: lentecelhnak men men in pehtlaihnak an ser, zeitindah a hawipa/hawinu caah caan pek a herh timi a nghalh, sihmanhselaw an konglam i theih nghalhnak tak tak an ngei lo, an hnipuan ruang ah le an colcangh ning lawnglawng ah an lungthin a um, an sining tlawmpal tthat lonak a um ahcun tthennak an tuah colh tawn.

Ukmi dawtnak: pakhat duh ning poah in caan an hmang, hibantuk dawtnak a umnak ahcun pakhat khat nih a saduhthahnak ngan tak tak in a chiah, sihmanhselaw a saduhthahnak a hlawhtlin lo ahcun ipehtlaihnak an ngeihmi zong a dong colh tawn.

Zohkhenh a herhmi dawtnak: Nupa a cheu cu caan sau tak tak an i um hnu ah tthennak a um tthan tawn, pahnih karlak ah dawtnak ah an ruahmi cu heh tiah an zohkhenh a herh, sihmanhselaw an umtuning a thlen bak ah an zohkhenhmi pehtlaihnak zong a rawk colh tawn, dawtnak a silo, duhnak ruangah ipehtlaihnak sawhsawh a si.

Ttan tti dawtnak: duhmi a khah ruang, silo ah huatmi a khah ruang ah dawtnak an ngei tiah an ruah tawn, a tak tak ahcun dawtnak a rak si lo, pakhat le pakhat caah theihthiamnak a um lo tik ah duhnak an ngeihmi a tling lo ah an ruah colh tawn, cu caah tthennak nih caan a lak ttheo tawn.

Dawtnak nih cun na sining vialte a cohlan dih lai, dawnkhantu zeihmanh a um awk a si lo. theihthiamnak he i pehtlaihnak a umnak caah nu nih a kum nak in a tlawm bikah kum 7 tal upa a ngeih ah a ttha bik tiah nupa karlak pehtlaihnak dothlattu pawl nih an chim, cu nih cun theihthiamnak tampi a ser tiah an chim fawn.

Source: Psychcentral



Be the first to comment

Leave a Reply

Your email address will not be published.


*