A Thi Cangmi Phungki Pa A Mirh (Smile)

November 16, kum 2017 i a thi cangmi Luang Phor Pian timi phungki pa cu a thih hnu thla hnih (2)nak ah a phungki hawilei nih a ruak cu an phumnak in an chuah.  Amah a rak zultu (followers) pawl nih hipa ruak hi a ruakkuang chungin lak i Buddhist phungphai (Ceremony) tuahpi ding ah an lak.

Luang Phor Pian hi upat tak takmi phungki pakhat  asi. Cambodia ram lei mi asinain Thailand ram ah Buddhist thlarau lei hruaitu ttihzah taktak mi a si. Kum 92 upa  a si khan a thi.

Asinain mipi khuaruah a harter tak takmi cu hi hi a si. A ruak cu an phumnak a sau pah cang ko nain tlawmpal te lawng a thu i , a ruak an chuah ahhin a muihmai ah mirh (Smile) muihmai a cuang tiah an ti.

Phungphai tuahnak, mipi pawl hmai i an kalpi lio zongah hin a thi cangmi phungki pa hi a mirhmi (smiling) bantuk in an hmuh. A hmanthlak cu mipi nih social media ah tampi in share an tuah.

An chimning ah hi a thi cangmi phungki hi angki a tharmi te hrukter dingah a ruak an lak hi a si tiah report pakhat nih cun a langhter.

‘A ruak i a mui-hmai nih hin  Nirvana (Buddhist pawl vanram) a phan hrim hrim ti a langhter’ tiah an ti.

Luang Phor Pian hi nikum November 16, kum 2017 khan Bangkok ah a rak thi. Phungki a hawile pawl nih a thih ni100 a tlin hlan le phungphai (Ceremony) donghnak an tuah hlan lo thlacamnak an ngeihpi.

Source : Mirror 

Leave a Reply

Your email address will not be published. Required fields are marked *