Acoyah nih kum 68 chung ah leiba Rs-60,000billion an ngei hnu ah angeitu Private company kut ah a kirter than cang Rs-18,000billion in an cawk piak,

Air India cu India acoyah nih kum 68 chung anrak zohkhen cang hnu ah, a ngeitu hmasa bik le adirtu TATA Group hna nih cun, Rs- 18,000billion in an cawk piak than khi asi, Atu ah Air India tiah kan rak thei mi hi TATA Group dirtu JRD Tata nih 1932 kum ah a dir mi asi, TATA Airlines tiah anrak titawn mi khi asi, mah lio ah cun khuapi cheukhat, Karachi, Ahmedabad, Bombay, Bellary le Madras (chennai) karlak hna ah service ṭawn mi asi, An Vanlawng hmasa bik cu Havilland Puss Moth a si, ralpi vawihnihnak hnu ah 1946 ah khan a min thleng than in, Air-India Limited tiin an thleng khi asi, 1948 ah khan ramleng lei ah service ter ding in, Air-India International Limited cu tuah arak si.

Bombay, Karachi, Cairo, Geneva le Lindon karlak ah service hram thawh asi, 1953 ah khan a ngeitu duh lo bu in acoyah nih an chuh piak (nationalised) asi, mah kum ah cun group hnih in aṭhenter mi asi, ramchung le ramleng ah adangte in service ter asi, 1962 ah khan a min cu Air-India tiah thleng than asi, 2005 ah khan thaiphei (hyphen) cu hlonh in Air India tiah arak si, Acoyah kut ah a um lio hnu ah hin an sung lengmang caah, riantuantu hna zong an duh ning in an um fawn, Prime Minister Vajpayee can lio 2001 hnu ah acoyah nih cun zohkhen an duh tuk lem ti lo khi asi cang.

Achan cu leiba tamtuk ngeih ding mi kha an duh lo caah asi, atu Prim minister Modi arak si ah khan, Cu bantuk tangka an sung mi cu cover tim in, 2018 in hma anlak ngai ngai ko, Mah Airlines leiba Rs- 60,000billion leng an ngeih mi hi soiselnak long in akhat cang khi asi, Airlines ruang ah hin acoyah nih cun tangka Rs-100,000billion an dih cang fawn, atu lio zong ah thlakhat ah hin Rs- 20-25billion sung peng bantuk asi, service peng ding ah tingainak a um ti lo caah, Private company kut ah pek than cu an duhnak arak asi, riantuan tu hna zong lakhah/salary zong an pek kho ti lo khi asi cang fawn tik ah, Private kut ah pek cu acoyah tha damnak asi tim kha asi, an ca zong ah lung rethei a um tilai lo khi asi, mah caah cun acoyah nih vawithum tiang auction an tuah hnu ah angeitu TATA nih acawk piak mi asi.

TATA Group nih cun Rs- 18,000billion in an cawk piak mi asi, Rs- 2700 billion cu tangka cash in an pek lai, atang mi hna cu loan bantuk in chamh peng asi lai, Acoyah nih leiba angei mi cu an chamh ve lai,  riantuan tu hna zong kum 5 chung cu service dirhmun ning te in kalpi asi lai, Air India TATA nih an cawk than mi hi, Ratan Tata nih cun fapa azam cang mi arak kirthan cang tiah ati, acoyhah caah cun phurrit le lung rethei a um ti lo khi asi ve fawn.