Australia Auhnak Leiah Chin Mi Caah Thawnpang Tha Tak Tak

Australia Nih Chinmi Auhnak A Ngol Lo
=================

Australia Sponsored Visa In Mi Auhnak Thawngpang Thar – Sang HreAustralia um mi na si i na unau sponsored (202) visa in auh na duh maw? Rianrang takin auh khawhnak lam Cozah nih an ser.

Regional Areas (Khuate lei) khua a sa i rian a tuanmi nan si lai. Atawinak cun, Adelaide, Brisbine, Melbourne, Perth le Sydney, tbk. in ai hlatnak ah rian a tuan mi cu Cozah nih an application ah usa pek bikmiah a chiah cang lai caah tuan ah an phak lawng si loin zei paoh te ah usa pek an si cang lai.

Nupi/va auh a duhmi na si zongah khuate lei i a ummi na si ahcun mah Usa Pek Bikmi chungah na lut cang lai.

Ahlan ahcun UNHCR lawng in 202 Visa auh zong hi an rak duh deuh. Asinain, atu ahcun Adelaide le Melbourne, tbk. a hlatnak ah rian na tuannak thawng in Delhi lei in siseh, Malaysia lei in siseh UNHCR card ngei lo zong, CRC Card, tbk. in na unau/chungkhat pawl kha fawi tein auh khawh an si cang.

Melbourne le Adelaide i ummi ca ahcun a hlan bantuk te khan a si peng rih ko lai.

Mah hi kan miphun ca’h thawngpang ṭha taktak a si.

Mah hi rak share thluahmah cio uh!
Caṭialtu: Sang Hre [Australia]

Theihternak: Caṭialtu Sang Hre nih fiang tein a ṭial cang bangin mah thawngpang hi mikip caah asi lo, chuahpi unau le nuva, pafa, nufa (immidiate family) ca lawngah asi. Australia ah chuahpi chungkhar a ngei lomi zapi caah cun voi dang tawn bantuk asi ko, mi vanṭha taktak lawng an kal kho.

Laknak The chin Express ( Viber group ah an rak thlah chin i an ttial ning te in ka van tar.

Leave a Reply

Your email address will not be published. Required fields are marked *