Australia Laimi pawl Thei Lawh Ning Video Thar

 Australia Laimi pawl nih an ttuan bikmi rian hi thei lawh rian (fruit picking) hi a si. Australia Laimi tam deuh nih cun hi rian hi an ttuan. Thei lawh ding ah cathiam le mifim si a hau lo. Australia Chinmi caah pawcawmnak rian tha bak a si. Australia nikua (weather) hi ramdang he aa phundang deuh ngai caah thei lawh caan zong hi a caan te (Season) a um ve. Australia ram ahhin thei lawh (Fruit picking) hi December thla in aa thok i May thla hrawng khin a dong tawn. Thei lawh rianttuan ding ah ngandam bak a hau ve. Hi rian hi rian fawi te a si lo caah ngandam hi a biapi ngai ngai.

Thei hi inn chung lawng ah law hawk a tthat lo caah Lo (Farm) nganpi ah lawh tawn a si. Ni linh zong chim lo in ttuan a hau. Cucaah hi thei lawh rian ka tuan lai ti cu ti (water) zong tampi din a hau tawn. Thei lawh hi Laimi lawng siloin miphun dang dang zong nih hi rian hi an ttuan tawn. Ramdang dang dang in Australia i fimcawng pawl Student pawl tampi zong hi rian hi an ttuan tawn.

Thei lawh (fruit picking) hi a hlawh zong hi a ttha ngai. Riandang he cutluk pi in aa dang lem lo. Australia ram sining tuak in tha tei ttuan ahcun hi rian hi pawcawmnak caah rian tha cu a si. Thei lawh rian hi Company le private mirum tampi tang ah ttuan tawn a si.

Rianttuan man (wages) zong hi a pek ning aa dang cio. Suimilam (hour) i pek le thei na lawhmi Zat (amount of fruit you pick) i tangka pek ti zong tuakpiak tawn a si. A tangpi in suimilam 1 ah AUD$21.6 pek tawn a si. Cucaah tha te i na tuan khawh ahcun hi rian Laimi caah rian tha cu a si.

A tanglei video hi Australia Laimi tam deuh nih an ttuanmi Thei Lawh (fruit picking) rian an ttuan ning video cu a si. Thei an lawhmi zong hi a phun phun a si. Apple, Strawberry, Blueberry le thei dang tampi zong aa tel. 

Rianttuan man (wages) zong hi a pek ning aa dang cio. Suimilam (hour) i pek le thei na lawhmi Zat (amount of fruit you pick) i tangka pek ti zong tuakpiak tawn a si. A tangpi in suimilam 1 ah AUD$21.6 pek tawn a si. Cucaah tha te i na tuan khawh ahcun hi rian Laimi caah rian tha cu a si.

Source: Working Holiday

Hi zong hi rel chap. Rel a nuam law law ve.

Hi hna nufa hmanthlak hi Malaysia Airline Flight 17 i tlakmi a si. Hi vanlawng hi Ukraine ram chaklei ah tla lak i kah a si. Vanlawng i aa citmi minung 283 le vanlawng lei rianttuantu 15 bak an thi. Hi vanlawng kahnak kong hi tuchun ni tiang a buai peng rih. Russia le Pro separatist movement kalrak ah buainak a um peng. Vanlawng kah a si hlan i nufa hna hmanthlak a si. 

Pavel Kashin timi pa nih khuaruahhar le aa dawh tiah a ruahmi cawlcanghnak Back Flip a langhter cuahmah lio ah Balance a hloh i tanglei ah a tla. A tlaknak ah a nunnak a liam. Hi thil hi Russia ram i a rak cangmi thil a si. Ralthat tuk zong hi a rak poi tawn ko. Minung kan nunnak hi chikhat te ah a lo kho pengmi  a si. 

Robert Overacker timi pa cu Niagra Falls tisor ah zoh dawh piah ding in aa tim. Niagra tisor ah ka zuang lai i zoh dawh ka piah lai tiah aa ruah. Asinain vanchiat ah tisor i a zuan lio ah a Parachute cu a parhter kho ti lo i, Tisor ah a tla. Sizung ah phakpi colh a si nain suimilam tlawmpal ah a nunnak a liam.

Hi hmanthlak hi ralhrang hna nih US, New York i a ummi inn sangpi World Trade Center vanlawng hmang i an phomh hlan i lakmi hmanthlak a si. Kelly le a chungkhar hna cu New York Yankees game ah nuam tak tak in an fale he an kal. Asinain an pa bik hi a thaizing September 11 ah US, New York i a ummi inn sangpi World Trade Center vanlawng hmang i ralhrang nih phomh ruangah a nunnak a liam. Hihi an hmanthlak a hnubik a si.

Italy ram i Mt. Etna tlang a kangh hi tih a nung tak tak mi a rak a si. Hi meitlang kangh ruangah minung 77 bak an nunnak a rak liam. A tanglei hmanthlak hi meitlang a kangh ka te a si. Tlawmpal ah tanglei i khua a sami minung tam tuk a thah hna. Meitlang a puah hlan te i thlakmi a si. Minung tampi an nunnak a rak liam.

A tanglei hmanthlak hi mi tampi thinlung ah an philh khawh lomi hmanthlak a si. Vawleicung movie minta minthang Paul Walker cu hi a mawttaw he accident a ton hlan te i thlakmi  hmanthlak a si. Hi hmanthlak aa thlak Ni lila ah a mawttaw accident ruang ah a nunnak hi a rak liam. November 30, 2013 khan a si.  

Hi hmanthlak zong hi ngaichia te a si. US ram i cunglei (Space)  kai thiam (Astronauts) nih accident an ton hlan i thlakmi hmanthlak a si. Cunglei an kai tlawmpal, sec 73 nak bak ah an i citnak cunglei kainak Rocket  cu a puak. Hi lio ah hin sianginn cawnpiaktu (teacher) zong kai ve ding in aa thawh ve. Asinain an dihlak in vanchiat ah an thi dih.

Christopher McCandless timi pa hi ramlak ah vah (hiking) a huam tukmi a si. Alaskan ramlak a vahnak ah rawltam in a nunnak a rak liam. Amah ruangah ‘Into The Wild ‘ timi movie tiang zeih a si. August 1992 khan a nunnak hi  a liam. A thih hlan te i thlakmi hmanthlak a si.

US skating figure team hna cu 1981 khan World Figure Skating Championships, Prague (Czech Republic) ah va zuam ding in an i thawh. Asinain an vanlawng cu Belgium ram a phanh in vanlawng in meikhu chuak in tanglei an tla. Aa citmi 72, an dihlak in a thi dih. An chunmang vialte cu mang bantuk men a si. Hi hmanthlak hi vanlawng chung an luh hlan te i thlakmi Group Photo a si.

A tanglei hmanthlak hi Tatanic tibaw pi a si. April 14,1912 khan hi Titanic tibaw pi nih Tikhal nganpi a pah caah ti ah a pil. Titanic hi ti i a pil kho lo ding i sermi le ruahmi a si. A chan lio ah tibaw nganbik zong a si. Hi hmanthlak hi Titanic nih Tikhal a pah hlan i thlakmi a hnubik hmanthlak a si. Titanic tibaw accident ruangah minung 1,503 bak an nunnak a rak liam.  Hmanthlak hi ngaihchia te a si ko.

A tanglei hmanthlak hi vawleicung hlasakthiam minthang tak tak John Lennon a si. John Lennon hi a thihnak a sau ngai cang nain tuchun ni tiang a min a dai lo. The Beatle timi hlasakthiam bu i hlasatu a si. Hmanthlak ah hin amah thazaang a petu hna cu a minthut (signature) a tialpiak hna. John Lennon pawng i a dirmi pa Mark David Chapman nih khin thi lak in a kah. 

Hmanthlak i angki sen aa hrukmi khi Japanese sianghngakchia Ayano Tokumasu a si. US i ca  cawngmi asi. Niagra tisor ah  khin a tla sual. Tisor a zohnak ah thir tung cu tam tuk a hngauh sual i Niagra tisor ah a tla i a nunnak a liam. 

American minta (actor) James Dean cu a mawttaw 550 Spyder he khin accident a tong. A hmun ah a thi colh. Hi hmanthlak hi a thih hlan le a mawttaw aa cit hlan te i thlakmi a si. 

Ralpi II nak (World War 2) lio ah Soviet guerrilla team pawl nih rawitu (traitor) tiah an ruahmi an thah. Khi hmanthlak hi rawitu tiah an zumhmi pa an thah hlan te i thlakmi a si. Hi hmanthlak an tlak tlawmpal ah thi lak i rawitu hi an kah.

1999 kum i US sianginn Columbine High School  meithal kahnak ah cawnpiaktu William Dace Sander nih sianghngakchia 100 leng cu meithal kaptu lak in luatnak lam a  hmuhsak. Asinain vanchiat ah misual meithal kaptu pa nih hi cawnpiaktu hi thi lak in a kah. A sianghngakchia pawl caah a nunnak a liam. Amah thawngin sianghngakchia tampi an luat ve. Hi hmanthlak hi kah a si hlan te i thlakmi  a si. 

Vawleicung minta (actor) minthang Robin Williams cu 2014 kum amah thazaang a petu (fans) he ice cream dawr ah hman an i thla. Ruahnak le Thluak lei zawtnak Lewy body disease (LBD) timi zawtnak a rak ngei. Hi hmanthlak  hi thlak a si hnu ni tlawpal ah amah le mah aa that i a nunnak a liam. Hi hmanthlak hi a hmanthlak a hnubik a si. 

A tanglei hmanthlak hi sii sayamah Nurse Mayinga N’Seka nih Ebola zawtnak tihnung a rak chuah hmasabik 1976 lio i mizaw a zohkhenh lio i thlakmi a si. Hi hmanthlak hi thlak a si hnu ni tlawmpal ah Ebola zawtnak nih amah hi a thah colh ve. Mizaw a zohkhenhnak lei ah amah zong a thi beh. Hi hmanthlak hi a hmanthlak a hnubik a si. 

Martin Luther King, Jr. hi kan theih dih ka zumh. A nih hi Baptist minuter, Social activist le American civil rights movement ah hruaitu a si. Tuchun ni tiang a cawlcanghnak ruangah a min hi a dai ti lo. Hi hmanthlak hi Lorraine Motel,Memphis, Tennessee i a room inn leng donhhlei (balcony) i thlakmi a si. HI a dirnak donhhlei (balcony) thiam thiam ah hin a thaizing ah thi lak in kah a si.

Vawleicung tlang sang bik Mt.Everest cu George Mallory le Sandy Irvine hna nih 1924 khan chuak lakin  kai an i tim.  Hi hna 2 hi vawleicung tlang sangbik Everest kai ai tim hmasa  an si. Hi tlang hi zei a si ti mi tampi nih an rak theih tuk rih lo. Hi tlang a kai khotu hmasabik kha 1953 kum  lawng khan a kai kawh. Hi hna hi 1924 kum ah Mt.Everest hi kai an rak i tim cang. Asinain hi hna 2 hi tlang in an kir ti lo.   

Na thinlung an tongh pah ko ahcun Like le comment hi rak pe ve hme.

Source: Tha ba ngai i ka kawlnak Google le wiki

Leave a Reply

Your email address will not be published. Required fields are marked *