Cancer lei research tuahtu hna nih an hlatthlai nak ah an hmuh mi cu kuak zu mi nak in mi thautuk mi hna nih cancer zawtnak ngei a let in atam,

Kuak zu mi nak in thau tuk ruang ah paw fah, kal/kidney, chul/nau bawm le thin/lever cancer zawtnak angeih tam deuh tiin, Cancer Research UK nih report ah tar la nasi, kuak zu hna nak in thau tuk mi hna chung ah cancer zawtnak ngei hi an tampi tiah an langhter khi asi, Cancer Research UK-nih United Kingdom ram ah an hlatthlainak result nih fiang tein thil an hmuh chuah mi cu, mah hi asi, Thau tuk minung 22,800 hrawng nih kum chiar in cancer zawtnak an ngeih lio ah, kuak zu minung 54,300 hrawng nih cancer zawtnak an ngei tiah an thil hlatthlai nak nih ahmuh chuah mi asi tiah an langhter khi asi.

Paw/stomach cancer zawtnak angeih thar ah minung 42,000 hrawng chung ah, thau tuk ruang ah paw/stomach cancer zawtnak ngei minung 4,800 an um lio ah, kuak zu mi chung ah minung 2,900-nih paw cancer zawtnak an ngei, Kal/kidney cancer zawtnak ngei minung 12,900 hrawng an um, mah chung ah minung 2,900 hna cu thau tuk mi an si lio ah, minung 1,600 cu kuak zu mi an si, Thin cancer zawtnak ngei minung 5,900 hmuhchuah chung ah minung 1,300 hna cu thau tuk ruang ah asi, kuak zu minung 1,200 an si, Chul/nau bawm cancer zawtnak ngei minung 7,500 hmuh chuah chung ah minung 490 cu thau tak tak mi an si, chul/nau bawm cancer zawtnak hmuhchuah chung ah kuak zu cu 25 longte an si.

UK-ah khin mi thau tak tak kuak zu lo minung13.4 million hrawng an um, kuak zu minung 6.3 million cu an thau tuk lo mi an si, kuak zu duh fawn, thau tuk fawn minung 1.5 million an um, Thau tuk ruang ah cancer zawtnak hi an ngei taktak tawn tinak cu asi lo, sihmanhselaw thau tuk mi chung ah cancer zawtnak ngei hi an tam timi cu afiang ngai ko, National Health Service (England) chief executive Simon Stevens nih cun, Acoyah long nih mah pawpuar le thau tuk nak kong ah hin tlawmter khawh ding ah, teinak asi khawh lai lo, chungkhar kip nih, ei/din tuahtu company kip hna le acoyah tangti in hmalak long ah azia deuh lai tiah ruah asi.

Mirang ram hmanh ah asum kho lo mi le Exercise huam fawn lo, mahruang ah cancer zawtnak thar hi hmuh peng arak si, kan mah tlangcung miphun hna le bang cu minung tlawmte kan si, mah chung ah cancer zawtnak ngei le AID zawtnak ngei percentage asng ngai ngai khi asi, mah pin ah thisen sang le zunthlum zawtnak ngei kan tamzia thuhpheh ding a um lo rapthlaktuk dirhmun ah kan dir ko kan ti ah cun kan palh tuk hnga maw?? Zei dah a ruang/chan timi hi kan kawl ceu ahertuk mi thil asi cang, tlangcung mi chung ah cancer zawtnak ngeih tam bik cu ei le din ruang ah asi deuh in alang, sathau kan duhtuk, acan ah kan ei tam, acan ah kan ei tlawm, acan ah ei lo in kan um pin ah, minung taksa nih aherh tuk mi kan ruah bal lo khi asi.

Tlangcung miphun hna nih ei/din thilk an cawk tik ah taksa caah zei bantuk Vitamin dah angei timi nak in, kaah athaw/eiduh phun hi kan cwak tawn mah hi adik lo ngai mi asi tiin karuah, Mirang pawl nih cun taksa ngandamnak caah zei bantuk Vitamin dah a um timi phun meh khi an cawk deuh, kaah thaw le thaw lo khi asi lo, taksa caah atha le tha lotu khi an ei tawn tiah theih asi fwan, Tlangcung miphun hna hi kan dam chung kum average in mithiam hna nih an tuaktan ning ah 55% hrawng asi, cun kum 60 kan phan cang ah cun kawl nih “tunge pian” an ti bantuk in kan lung afim kho ti lo ngakchia bantuk in kan um cang khi asi, aruang bik cu kan taksa chung ah hin zei hmanh protein a tam lo ruang ah arak sit awn tiah hlatthlai nak nih atu bantuk in an langhter mi asi.

Prophet Jeremia nih zei dah achim?? Kei Bawipa hi lungthin zohtu, lungthin fiantertu ka si; Mi kip an thil tuah ning in lawman ka pek tawn! Ahrut zia alangte ko lai, ngandamnak tha rak ngeih hna cang u!

Health is wealth.